[A:549]pa'i gnas su gyur pa rnams phyir dbyung / gsang sngags snga 'gyur gyi rgyud rnams slar zhus dag cig mdzad bzhed kyis re zhig btang snyoms su bzhag ste shin tu kha gtsang ba snyigs dus kyi thams cad mkhyen pa bu ston rin po ches dkar chag tu btab nas zhwa lu gser khang gi gtsug lag khang du bzhugs su gsol/ de nas rim gyi mched pa rnams la them spang mar grags pa ste/ de dag las mched de bod dang bod chen po'i rgyal khams su bka' 'gyur ro cog gi glegs bam lus can bsod nams kyi rten du mang por 'phel te/ de dag yi ge ra 'dri ba las kyang thos bsam sgom gsum du bya ba ni chos spyod bcu'i nang nas kyang ches mchog tu bsngags pa la dgongs nas sngon byon dam pa du mas 'bad pa chen pos nye bar btsal ba'i lung gi rgyun mtshan nyid pa nyan bshad bya ba ni/ chos spyod bcu'i nang nas ches mchog tu gyur par bsngags pa dang / bstan pa rin po che yun du gnas pa'i bya ba yang nyan bshad sgom gsum las gzhan 'ga' yang med pa la dgongs nas/ bsil ldan ljongs 'dir gang dag byon pa'i bstan skyong gi skyes bu dam pa rnams kyis dam pa'i chos la gzu lum dbang cher spyod pa'i srol ngan thog mtha' bar gsum mar grags pa'i lung dang / dba' ba shur mar grags pa'i lung dang / 'thor klog mar grags pa'i lung dang / lcags ri mar grags pa'i lung dang / snga ma'i thob yig gi lung gnang bas der gsal gyi lung mtha' dag thob par 'dod pa dang / dpe khang du khrid nas smon lam mdzad pas/ der bzhugs so