[A:550]cog gi lung thob par 'dod pa dang / dpon slob ngos kyis ma mjal bar dgongs pa gtad pa las byung ba'i dbang lung dgongs gtad ma zhes grags pa'i rang dga'i lha chos thos lo tsam gyis bstan pa la rma srol 'byin pa'i lugs ngan gyi rgyun mthud lta bu ma yin par/ mthar chags su bklags pa'i lung gi rgyun tshad ldan gang dag bzhugs pa las/ khengs pa bskyungs te 'bad rtsol chen pos gsan pa dang bshad pa'i rgyun mi nub par chu bo chen po'i rgyun bzhin du da lta'i bar du dar rgyas su bzhugs pa las/ rang gis kyang cung zad re mnyan du yod pa ni/ dal 'byor gyi lus las snying po mchog blangs par 'gro ba yang / sangs rgyas kyi stobs bskyed pa'i cho 'phrul rnam par 'phrul pa bstan pa'i mdo las rigs kyi bu gang la la zhig gis dzambU'i gling gi sems can de dag thams cad 'phags pa'i lam yan lag brgyad la 'jog cing / bzhag nas lha'i lo stong du yo byad thams cad kyis mi brel bar rjed cing mchod pa bas/ gang gi chos kyi rnam grangs 'di las tshig bzhi pa'i tshigs su bcad pa gcig tsam yang nyan pa dang / 'chang ba dang / 'dri ba dang / 'drir bcug pa dang / gzhan la rgyas par byed na/ de bas 'di ches bsod nams mang du 'phel lo zhes dang / dam pa'i chos padma dkar po las kyang / gang gis dam pa'i chos padma dkar po'i chos kyi rnam grangs 'di thos pa dang / gang yi ge ra 'dri ba dang / gang yi ge ra 'drir 'jug pa dang / skar ma'i rgyal po me tog kun du rgyas pa mngon par shes pa gang gis chos kyi rnam grangs 'di zung ngam/ bstan tam/ thos