[A:561]mkhyen rdo rje gdan pa/ chag lo rin chen chos rgyal/ mkhan chen chos grub sengge/ dol chos 'khor sgang gi chos rje rnam rgyal ba/ mkhan chen rin chen kun ldan/ 'dul 'dzin rdo rje grags pa/ yongs 'dzin dge 'dun legs grub/ dpal 'byor gling ba ngag dbang rnam rgyal/ mgon po bsod nams mchog ldan/ sprul sku padma phrin las/ zhes 'dug pa/ padma phrin las pas bka' 'gyur ba las 'dul pa yongs rdzogs gsan yod tshe brgyud pa so sor smos pa 'di mi dgos pas slar dpyad/ /!/ /gnyis pa bar pa mtshan nyid med pa'i chos 'khor las byung ba shes rab kyi pha rol tu phyin pa'i phyogs la/ yum rgyas pa 'bum pa ni shing rta chen po klu sgrub kyis klu'i yul nas spyan drangs pa'i tshe byams zhus/ chos 'phags/ rtag tu ngu / yongs gtad de le'u bzhi gdengs can rnams kyi mchod gnas su bzhag pas mi'i yul du ma 'drongs/ deng sang byams zhus dang chos 'phags bsdoms pa'i le'u/ rtag tu ngu'i le'u/ yongs gtad de le'u gsum du snang ba nyi khri dang brgyad stong pa nas kha bskangs pa 'gos chos grub kyis rgya nag nas bsgyur ba yod pas dngos bstan du 'khrul gzhi mi bya zhing / de'ang lha btsan po khri srong lde btsan gyi dus rlangs khams pa go chas 'bum thugs la bzung nas bsgyur bas rlangs kyi thugs 'gyur ma/ rje btsad po'i mtshal khrag dang ra dkar gyi 'o ma sbyar nas bris pa'i dum pa bzhi pa la reg zig dmar po lha sa gong gi so phag mchod rten gyi nang bzhugs la yod par grags/ la la kong po bu chur yod zer ba ni