[A:61]mngon rtogs/ gtor 'bul/ bstod pa/ rmi ltas/ sku'i dbang sdud/ 'khor lo'i las sbyor 'dre mthong dang bcas pa rnams zangs tsha bsod nams rgyal mtshan gyis mdzad pa/ dpal ga Na pa ti'i bsnyen sgrub las gsum spogs chog dang bcas pa gsal bar ston pa'i sgrub yig chen mo gzhan las ches khyad par 'phags pa stong gsum nor bus bkang ba las kyang dga' ba 'phags pa rin po ches mdzad pa/ 'di dus gcig la slob ma gcig las mi ston pa'i gser chos bka' rgya can yin no/ /des mdzad pa'i sgrub thabs khrigs kyi sdom tshig shin tu gsal ba/ 'gor bla ma dam pa'i zhabs la phyag 'tshal lo zhes yod pa'i tshogs bdag gi gtor chog (glo)rnal 'byor dbang phyug yar klungs pas mdzad pa/ 'di'i mjug rgyal ba'i sku gsung ma zer ba'i bstod pa slob dpon nag po'i zhabs kyis mdzad zer ba zhig gis rdzogs pa las yar klungs pa'i mdzad byang ma byung bas gong du dogs slong bris pa'i nag po pas mdzad pa'i bstod pa 'jig rten mgon mdzad ma'i gsham du drung chos rje pas mdzad zer ba'i bstod pa dang gtor chog sogs kyi mthar yar klungs pa sengge rgyal mtshan gyis dam pa mang po'i bzhugs gnas bsam gling bde chen du sbyar zer ba 'dug pa/ dpe gong 'og gnyis po'i mjug pa'i yig mkhan gyis nor nas bris sam snyam pa slar yang ma dpe rnying pa rnyed na zhu dag gtugs dgos par snang ngo / /gnyis pa gsal byed lhan thabs la/ bris sku bri zhing sgrub pa'i yi ge de phyir sngags la nan tan bya sa mApta mi thi'i mtha' can/ bris sku