[A:61]མངོན་རྟོགས། གཏོར་འབུལ། བསྟོད་པ། རྨི་ལྟས། སྐུའི་དབང་སྡུད། འཁོར་ལོའི་ལས་སྦྱོར་འདྲེ་མཐོང་དང་བཅས་པ་རྣམས་ཟངས་ཚ་བསོད་ནམས་རྒྱལ་མཚན་གྱིས་མཛད་པ། དཔལ་ག་ཎ་པ་ཏིའི་བསྙེན་སྒྲུབ་ལས་གསུམ་སྤོགས་ཆོག་དང་བཅས་པ་གསལ་བར་སྟོན་པའི་སྒྲུབ་ཡིག་ཆེན་མོ་གཞན་ལས་ཆེས་ཁྱད་པར་འཕགས་པ་སྟོང་གསུམ་ནོར་བུས་བཀང་བ་ལས་ཀྱང་དགའ་བ་འཕགས་པ་རིན་པོ་ཆེས་མཛད་པ། འདི་དུས་གཅིག་ལ་སློབ་མ་གཅིག་ལས་མི་སྟོན་པའི་གསེར་ཆོས་བཀའ་རྒྱ་ཅན་ཡིན་ནོ། །དེས་མཛད་པའི་སྒྲུབ་ཐབས་ཁྲིགས་ཀྱི་སྡོམ་ཚིག་ཤིན་ཏུ་གསལ་བ། འགོར་བླ་མ་དམ་པའི་ཞབས་ལ་ཕྱག་འཚལ་ལོ་ཞེས་ཡོད་པའི་ཚོགས་བདག་གི་གཏོར་ཆོག་༼གློ༽རྣལ་འབྱོར་དབང་ཕྱུག་ཡར་ཀླུངས་པས་མཛད་པ། འདིའི་མཇུག་རྒྱལ་བའི་སྐུ་གསུང་མ་ཟེར་བའི་བསྟོད་པ་སློབ་དཔོན་ནག་པོའི་ཞབས་ཀྱིས་མཛད་ཟེར་བ་ཞིག་གིས་རྫོགས་པ་ལས་ཡར་ཀླུངས་པའི་མཛད་བྱང་མ་བྱུང་བས་གོང་དུ་དོགས་སློང་བྲིས་པའི་ནག་པོ་པས་མཛད་པའི་བསྟོད་པ་འཇིག་རྟེན་མགོན་མཛད་མའི་གཤམ་དུ་དྲུང་ཆོས་རྗེ་པས་མཛད་ཟེར་བའི་བསྟོད་པ་དང་གཏོར་ཆོག་སོགས་ཀྱི་མཐར་ཡར་ཀླུངས་པ་སེངྒེ་རྒྱལ་མཚན་གྱིས་དམ་པ་མང་པོའི་བཞུགས་གནས་བསམ་གླིང་བདེ་ཆེན་དུ་སྦྱར་ཟེར་བ་འདུག་པ། དཔེ་གོང་འོག་གཉིས་པོའི་མཇུག་པའི་ཡིག་མཁན་གྱིས་ནོར་ནས་བྲིས་སམ་སྙམ་པ་སླར་ཡང་མ་དཔེ་རྙིང་པ་རྙེད་ན་ཞུ་དག་གཏུགས་དགོས་པར་སྣང་ངོ༌། །གཉིས་པ་གསལ་བྱེད་ལྷན་ཐབས་ལ། བྲིས་སྐུ་བྲི་ཞིང་སྒྲུབ་པའི་ཡི་གེ་དེ་ཕྱིར་སྔགས་ལ་ནན་ཏན་བྱ་ས་མཱཔྟ་མི་ཐིའི་མཐའ་ཅན། བྲིས་སྐུ་