[A:100]ge gnyis la gzhi byas/ yig chung zur 'debs dang brgyud pa'i zhal shes kyis brgyan te/ sngon 'gro thun mong dang thun mong ma yin pa/ dngos gzhi zab pa'i gnad lnga dang khyad par gyi man ngag mde kha gdags pa'i sgo nas bsrung ba/ spyi dang bye brag khyad par gsum gyi sgo nas bzlog pa/ bstan pa'i spyi dgra dang rnal 'byor sgos dgra bsgral ba'i sgo nas gsad pa/ rdzas dang dmigs pa la brten pa'i mnan pa'i dmigs khrid rnams dngos bstan nyams su len dgos pa'i nyams khrid/ mtshan bcas rdzas dang 'khor lo la bstan pa sogs la ngo sprod phyag bzhes/ khyad par thun mong ma yin pa'i man ngag gi mde kha gdags pa la gsum gyi nang dam tshig gi 'khor lo sems nyid ye shes kyi rtsal 'don zhes pa rnam rtog bdud bzhi bcom nas tshe 'di nyid la mchog gi dngos grub sgrub pa'i gsang ba'i yang snying skal ldan gyi slob bu gcig la chig brgyud du ston pa/ gong gi sa bcad kyis ma zin pa'i drag po sngags rgod kyi man ngag gi khrid/ 'di la brten nas bdag chen rdo rje 'chang gis rgya 'dre tshar gcad pa'i lo rgyus ngo mtshar ba yang yod/ 'di dag la phyi nang gsang gsum du dbye na gdams pa dngos gzhi spyi'i brag rdzong / drag po sngags rgod nang gi brag rdzong / ye shes kyi 'khor lo gsang ba'i brag rdzong ste zab khrid kha lag tshang ba 'di ni rjes 'brang gi mkhas grub phal cher la ma grags shing gdung brgyud rim par chig brgyud du byon pa'i slob bshad kho na yin pas/ 'jam dbyangs mkhyen brtse'i zhabs kyis/ rjes 'brang mkhas dang grub par grags rnams la/ /thun mong gdams pa'i