[A:101]dpal 'byor mtha' yas mod/ /gsang chen slob bshad bdud rtsi'i thigs pa 'di/ /mkhas rlom phal gyi rna ba'i spyod yul min/ /zhes gsungs pa lta bu'i nyams khrid smin rgyas dang / rdo rje nag po chen po'i nang khrid dam gsang khrid du grags pa ni nang rtsa gsum 'khor lo lnga la brten nas bsgrubs pas nang sgrub/ gsang ba sems kyi gnad la brten nas bsgrubs pas gsang sgrub tu grags shing 'di la thun mong dang thun mong ma yin pa gnyis yod pa la gnyis ka'i rtsa bar gyur pa gong mas mdzad pa'i man ngag mdor bsdus/ de nyid cung zad rgyas su btang ba dam pas mdzad pa dang / gsang rten lus la sba ba'i yig chung rnams dang / zhal shes la brten nas nang khrid thun mong ba rnal 'byor dbang phyug chen po yar klungs pa sengge rgyal mtshan gyis mdzad pa'i bsnyen sgrub thun mong ma yin pa'i man ngag la sogs pa rgya cher bzhugs shing / 'di skabs su rgyal dbang thams cad mkhyen pa ngag dbang blo bzang rgya mtshos/ yar klungs pas mdzad pa'i man ngag 'di yi ge nag 'gros lta bur bkod pa'i thog ma yin 'dug pas/ gsung las/ gzhan gyis bskul phyir gzhan phan bsam pas bris/ /snyigs dus nub par dogs pas 'dir brjod bya/ /zhes dang / dpe mkhyud med par ma bris na snyigs dus su song bas brjed pa dang nub kyis dogs nas/ yi ge ra gsal por 'dri bar srung ma rnams la lo gsum gyi bar gsol ba btab/ ces sogs ltar/ de yan chad du yi ge gsal po med par shes nus/ mal lo'i rjes gnang gi thor/ man ngag