R795: གོང་དཀར་བླ་མ་འཕྲིན་ལས་རྣམ་རྒྱལ་གྱི་གསན་ཡིག

« Title Page

Pagination (Witness A): 120

Last Page »

[A:120]གྲགས་པ། མཁན་ཆེན་ངག་དབང་བསྟན་འཛིན།

ཕ་བོང་ཁ་པ་འཇམ་དབྱངས་གྲགས་པས་རྒྱལ་དབང་བློ་བཟང་རྒྱ་མཚོ་ལ་མ་གསན་ངེས་པ་ཡིན་འདུག་པས་བརྒྱུད་པ་ཨེ་ཡོད་བརྟག་རྒྱུ།

དེས་བདག་གོ །ཡང་ན་བྱ་བཏང་ཀུན་དགའ་མཆོག་ལྡན་ནས། རྗེ་ལྷ་མཆོག་སེང་གེ །སངས་རྒྱས་སེང་གེ་མན་འདྲ། །ཡང་ན་དཀོན་མཆོག་འཕེལ་ནས། འཇམ་དབྱངས་ས་སྐྱ་ལོ་ཙཱ་བ། ངོར་ཆེན་དཀོན་མཆོག་ལྷུན་གྲུབ། ཤར་ཁང་པ་ཤེས་རབ་རྒྱལ་མཚན། ཐར་རྩེ་པ་མན་གོང་བཞིན་ནོ། ཡང་ན་ཇོ་བོ་ཆེན་པོ་ནས། བ་རི་ལོ་ཙཱ་བ། རྗེ་བཙུན་ས་ཆེན། སློབ་དཔོན་རྩེ་མོ། རྗེ་བཙུན་གྲགས་པ། ཆོས་རྗེ་ས་པཎ། ཆོས་རྒྱལ་འཕགས་པ། སྣུར་ཡེ་ཤེས་རྒྱལ་མཚན། སྣུར་ཆོས་འཕགས། གར་ཐིག་པ་སེང་གེ་རྒྱལ་མཚན། མཁན་ཆེན་ཤེས་རབ་རྡོ་རྗེ། ཐེལ་ཆོས་སྒོ་བ་ཆོས་དཔལ་ཤེས་རབ། ཐེལ་མཁན་པོ་གྲགས་རྡོར་བ། དྲུང་བྱང་ཆུབ་རྡོ་རྗེ། འཇམ་དབྱངས་རིན་རྒྱལ་བ། མཁན་ཆེན་ཟླ་བློ་བ། མཁན་ཆེན་ཉི་མ། མཁན་ཆེན་ཀུན་བློ་བ། པཎ་ཆེན་ངོ་མཚར་རྒྱ་མཚོ། མར་སྟོན་སེམས་དཔའ་ཆེན་པོ། རྡོ་རྗེ་འཆང་སྔགས་རམས་པ་དགེ་འདུན་བཀྲ་ཤིས། ཐམས་ཅད་མཁྱེན་པ་བསོད་ནམས་རྒྱ་མཚོ། བྲག་དགོན་སྤྱན་སྔ། གཞོན་ནུ་ཆོས་དཔལ་བཟང་པོ། རྡོ་རྗེ་འཆང་འཁོན་སྟོན་དཔལ་འབྱོར་ལྷུན་གྲུབ། ཟུར་ཐམས་ཅད་མཁྱེན་པ་ཆོས་དབྱིངས་རང་གྲོལ། ཐམས་ཅད་མཁྱེན་པ་ཆེན་པོ་ངག་དབང་བློ་བཟང་རྒྱ་མཚོ་མན་འདྲའོ། །ཡང་ན་རྡོ་རྗེ་འཆང༌། ཕྱག་ན་རྡོ་རྗེ། ཛེ་ཏཱ་རི་པ། རྡོ་རྗེ་གདན་པ་ཆེ་ཆུང༌། ཇོ་བོ་རྗེ་མན་འདྲའོ། ༈ །རྡོ་རྗེ་རྣམ་འཇོམས་དཀར་པོ་ལྷ་བཅོ་ལྔའམ་བཅུ་དགུ། བྱ་རྒྱུད་རྡོ་རྗེའི་རིགས་ལས། རྡོ་རྗེའི་རིགས་ཀྱི་བདག་པོ་རྡོ་རྗེ་རྣམ་པར་འཇོམས་པ་ཞེས་བྱ་བའི་གཟུངས་དང༌། དེའི་བཤད་རྒྱུད་རི་རབ་ཆེན་པོའི་རྩེ་མོའི་ཁང་པ་བརྩེགས་པའི་གཟུངས་ནས་གསུངས་པ། སློབ་