[A:24]མ་རྒྱལ་མོ་ལྕམ། མྱང་སྒོམ་པ། དེ་ལ་མཁན་པོ་སྨོན་མཁར་བ་དང༌། ཁ་རེག་གི་མྱོས་ཆོས་ཀྱི་གཟི་བརྗིད་གཉིས། དེ་གཉིས་ཀ་ལ་ཀོ་བྲག་པ་བསོད་ནམས་རྒྱལ་མཚན་དེ་ལ་ཁམ་ཆེན་བྱང་ཆུབ་དཔལ། དེ་ལ་འཛིན་པ་རྒྱལ་མཚན་དཔལ། དེ་ལ་གངས་ཁྲོད་པའོ། ༈ །གཞན་ཡང་བརྒྱུད་པའི་རྣམ་གྲངས། ཀྱེ་རྡོར་ལུས་དཀྱིལ་དབང༌། ཞང་དཀོན་དཔལ། སློབ་དཔོན་ཀུན་དཔལ། ལོ་མཆོག །དཔལ་ལྡན་སེང་གེ །ཆོས་རྗེ་བླ་མའོ། །ཡང༌། ཆོས་རྗེ་བླ་མ། མཁན་ཆེན་ཤེས་རྡོར། ཆོས་སྒོ་བ། བྲག་ཐོག་པའོ། ༈ །ཡང༌། ལམ་ཟབ་བླ་མ། ཆོས་རྗེ་བླ་མ། དཀོན་མཆོག་བཀྲ་ཤིས། བྲག་ཐོག་པའོ། །ཡང༌། ཐམས་ཅད་མཁྱེན་པ་ཆེན་པོ་ལ་འབྲི་ཁུང་མཁན་ཆེན་དང༌། ལྕང་ལོ་ཅན་པ་གཉིས། དེ་གཉིས་ཀ་ལ་འཇམ་དབྱངས་བྱང་ཆུབ་དབང་རྒྱལ་ལོ། ༈ །ཡང༌། ཐེག་ཆེན་པས། བིར་བསྲུངས། ཀུན་མཁྱེན་གངས་པ་དང༌། མན་ངག་བཤད་མཛོད། ཆོས་རྗེ་བླ་མ་ཉིད་ལའང་གསན་ནོ། །འཇམ་དབྱངས་བྱང་ཆུབ་དབང་རྒྱལ་གྱིས། ལམ་ཟབ་བླ་མ་དང༌། བིར་བསྲུངས་གཉིས་ཀྱི་བྱིན་བརླབས། རྗེ་ཐམས་ཅད་མཁྱེན་པ་ཆེན་པོ་ཉིད་ལའང་གསན་ནོ། ༈ །ཡང༌། ལམ་འབྲས་ཉེ་བརྒྱུད་ནི། རྣལ་འབྱོར་དབང་ཕྱུག་བིརྺ་པ། བླ་མ་ས་སྐྱ་པ་ཆེན་པོ་ནས་གོང་བཞིན་ནོ། །གཞན་ཡང་རྗེ་བཙུན་སྐུ་མཆེད། ཆོས་རྗེ་ཁུ་དབོན་སོགས་ནས། ཐམས་ཅད་མཁྱེན་པ་རྡོ་རྗེ་གདན་པ་ཆེན་པོ་ཉིད་དང་བཅས་པ་ལ་དཔལ་རྣལ་འབྱོར་གྱི་དབང་ཕྱུག་ཆེན་པོ་ཉིད་ཀྱིས་ཞལ་གཟིགས་ནས། ལམ་འབྲས་སོགས་དཀའ་གནད་རྗེས་སུ་གནང་བ་སོགས་ངོ་མཚར་ཡིད་ཆེས་ཁྱད་པར་དུ་འཕགས་པ་དང་ལྡན་པའོ། །ཡང༌། ལམ་དབང་ཞེས་པ་ཡབ་ཀྱི་ལུས་དཀྱིལ་གྱི་དབང་རྡོ་རྗེ་འཆང་ཚུལ་ཁྲིམས་བཀྲ་ཤིས་ཀྱིས་བླ་མ་ལྷ་དབང་ཕྲིན་ལས་ལ་གསན་པའི་བརྒྱུད་པ་ཕྱིའི་རྒྱུ་དབང་བཞིན་ནོ། །འཇམ་དབྱངས་