[A:342]སྟེ། ཡེ་དམ་གཞོན་ཚུལ་གསུམ་གསུམ་ལས་ས། ཨཱ་དམ་མགོན་ཚུ་དང་སྲས་རྩེ། བར་མའི་དང་པོ་རྣམ་པ་ལྔ། བསོད་སེང་དཔལ་རྒྱལ་གཞོན་བཟང་རྗེ་ཞེས་གསུངས་སོ། །དེ་དག་གི་དོན་ནི། མཁན་ཆེན་ཤེས་རྡོར་བས་རྗེ་ས་ཆེན་གྱི་བཀའ་འབུམ་བླ་མ་གསུམ་ལས་ལུང་བླངས་ཏེ། དེའང་བླ་མ་ཡེ་ཤེས་དཔལ། བླ་མ་དམ་པ། བྱང་ཆེན་པ་གཞོན་ཚུལ་ཏེ་གསུམ་མོ། །རྗེ་རྩེ་མོའི་བཀའ་འབུམ་བླ་མ་དྲུག་ལས་ལུང་བླངས་ཏེ། བླ་མ་ཨ་མོ་གྷ། བླ་མ་དམ་པ། མཁན་ཆེན་གཞོན་ནུ་མགོན། བླ་མ་གཞོན་ཚུལ། དང་མ་བ་བརྩོན་འགྲུས་བྱང་ཆུབ། སྲས་ཀུན་རིན་ཏེ་དྲུག་གོ །རྗེ་བཙུན་གྱི་བཀའ་འབུམ་བླ་མ་བཅུ་གཅིག་ལས་ལུང་བླངས་ཏེ། བར་མའི་ཨཱ་མོ་གྷ། བླ་མ་དམ་པ། གཞོན་ནུ་མགོན། གཞོན་ཚུལ། བརྩོན་འགྲུས་བྱང་ཆུབ་སྟེ་ལྔ་དང༌། རིན་པོ་ཆེ་བསོད་ནམས་དབང་ཕྱུག །བླ་མ་སེང་གེ་རྒྱལ་མཚན། བླ་མ་དཔལ་ལྡན་སེང་གེ །རྒྱལ་སྲས་ཐོགས་མེད། བཀའ་བཅུ་གཞོན་ནུ་སེང་གེ །བླ་མ་སངས་རྒྱས་རིན་ཆེན་ཏེ་བཅུ་གཅིག་གོ །དེ་ལ་དཀར་ཆག་གི་རིམ་པ་ཤེས་པར་འདོད་ན་མུ་སྲད་པ་རང་གི་ཡི་གེར་གཟིགས། འདིར་ནི་གང་ལས་བླངས་པའི་བརྒྱུད་པའི་རིམ་པ་བྲི་བར་བྱ་སྟེ། ཐོག་མར་རྗེ་ས་སྐྱ་པ་ཆེན་པོའི་བཀའ་འབུམ་ལ། ༼ཨ༽ཡི་རྟགས་ཅན། རྒྱུད་སྡེ་སྤྱི་རྣམ། བརྟག་གཉིས་བཀའ་འགྲེལ། བརྟག་གཉིས་བསྡུས་དོན། བདེ་མཆོག་རྩ་བརྒྱུད་ཀྱི་ཊཱི་ཀ་མུ་ཏིག་ཕྲེང་བ། བདེ་མཆོག་རྩ་རྒྱུད་ཀྱི་ཟིན་བྲིས་ལེ་འགྲེལ། བསྡུས་དོན། རྟོག་བདུན་ཊཱི་ཀ་རྣམས་ཀྱི་བརྒྱུད་པ་ནི། བླ་མ་ས་སྐྱ་པ་ཆེན་པོ། གན་པ་སྟོན་དར། གན་པ་སོ་སྟོན། གན་པ་ཆོས་རྒྱལ། བླ་མ་ཡེ་ཤེས་དཔལ། མཁན་ཆེན་ཤེས་རབ་རྡོ་རྗེ། མཁན་ཆེན་རྒྱལ་བཟང་པ། མཁན་ཆེན་བྱང་སེང་པ། ཐེག་ཆེན་ཆོས་ཀྱི་རྒྱལ་པོ་ནས་