R795: གོང་དཀར་བླ་མ་འཕྲིན་ལས་རྣམ་རྒྱལ་གྱི་གསན་ཡིག

« Title Page

Pagination (Witness A): 37

Last Page »

[A:37]ལེན་སོགས་ཚང་མ། ཀྱེ་རྡོ་རྗེ་ཟབ་མོ་ལུས་ཀྱི་དཀྱིལ་འཁོར་དུ་དབང༌། རྗེ་བཙུན་བདག་མེད་མའི་ལུས་དཀྱིལ་དབང༌། ཡིག་བརྒྱའི་བཟླས་ལུང༌། ཨཥྟའི་བཟླས་ལུང༌། བརྡའ་ཆིག་བརྒྱུད། ལམ་ཟབ་བླ་མའི་བྱིན་བརླབས། བིར་བསྲུང་བྱིན་བརླབས། ཡང༌། ལམ་ཟབ་ལུས་དཀྱིལ་མའི་བྱིན་བརླབས། བིར་བསྲུང་དག་པ་དང་སྦྱར་བ་རྒྱས་པ་གཅིག་གི་བྱིན་བརླབས། དེ་རྣམས་ཀྱི་ཉམས་ལེན་དང་བཅས་པ། མན་ངག་བཤད་མཛོད་སྟེང་ནས་གཞུང་བཤད་ཚང་མ་དང་བཅས་པ་ཐོབ་བོ། །དེ་ནས་ལུང་གི་རིམ་པ་ཐོབ་པ་ལ། ལམ་སྐོར་ནང་མ་ལ། རྩ་བ་རྡོ་རྗེའི་ཚིག་རྐང་ལུང་དང༌། དེའི་བསྡུས་དོན་

ཤོག་ལོགས་ཙམ་

གཅིག་ཀྱང་ཞུས། ལམ་འབྲས་གླེགས་བམ་གུད་དུ་གསུངས་པ་རྣམས་དང་བཅས་ཡོངས་རྫོགས་ཐོབ་ཅིང༌། དེ་ཡང་ཞིབ་ཏུ་བཤད་ན། སྡོམ་ཚིག་གི་སྒོ་ནས་མདོར་བསྟན་པ་དང༌། དེ་དོན་རྒྱས་པར་བཤད་པ་གཉིས་ལས། དང་པོ་ནི། དཀར་ཆག་རྣམ་འགྲེལ་གསལ་བྱེད་ཉེར་གསུམ་དང༌། །འཕྲོས་དོན་བཅུ་བདུན་འབྲིང་དང་བསྡུས་པ་དང༌། །གཞུང་ཤིང་བཞི་དང་རྟོགས་པ་བསྐྱེད་པ་ལྔ། །དཔེ་ཆུང་ལྔ་དང་བླ་མའི་རྣལ་འབྱོར་དང༌། །ལུང་སྦྱོར་གསུམ་དང་བརྒྱུད་པའི་ལོ་རྒྱུས་གཉིས། །ཡི་གེ་ཕྲ་མོ་ལྔ་བཅུ་རྩ་གཉིས་ཏེ། །བཅོ་ལྔ་ལྷག་པའི་བརྒྱ་ཕྲག་གཅིག་བལྟས་ནས། །རྣམ་པར་ཕྱེ་བས་མན་ངག་ཤེས་པར་འགྱུར། །ཞེས་སོ། །གཉིས་པ་དེ་དོན་རྒྱས་པར་བཤད་པ་ལ། ཡིག་ཆ་ལྷག་ཆད་སྤང་བའི་ཕྱིར་དཀར་ཆག་བསྟན་པ་དང༌། དེས་བསྟན་པའི་ཡིག་ཆའི་རྣམ་གྲངས་བཤད་པ་གཉིས། དང་པོ་ནི་གླེགས་བམ་དཀར་ཆག་སྟེ། རྗེ་པའིའོ། །གཉིས་པ་ལ། རྩ་བའི་གཞུང་གི་རྣམ་འགྲེལ་ངོས་བཟུང་བ་དང༌། དེའི་དོན་གསལ་བར་བྱེད་པའི་ཡིག་ཆའི་གྲངས་བསྟན་པའོ། །དང་པོ་ནི་རྣམ་འགྲེལ་གཉག་མ་སྟེ་ས་ཆེན་གྱིའོ། །གཉིས་པ་ལ། རྒྱས་འབྲིང་