[A:173]padma phrin las/ rnam sras gling paNDi ta chen po dkon mchog chos grags/ des bdag go /
! myur mdzad ye shes mgon po phyag drug pa'i chos skor la/ rgyud ni bu ston rin po ches the tshom gyi gzhir bzhag kyang / bla ma phal cher tshad mar 'dzin pa'i mgon po gsang ba dngos grub 'byung ba'i rgyud kyi le'u bcu bzhi par/ mgon po kun gyi gnas 'di ni/ /zhal gcig pa la phyag drug pa/ /dang po gri gug thod khrag 'dzin/ /spyan gsum mthing nag rngam pa yi/ /g.yas g.yon bar pa phreng ba dang / /Da ma ru ni 'dzin cing brdung / /mtha' ma gnyis kyis kha TwAM dang / /sdig mdzub zhags pas 'ching bar mdzad/ /ces dang / shangs pa rnams kyi rang skad la rgyud tshad ldan rta mgrin gyis gsungs pa'i le'u brgyad pa'i le'u gnyis par/ nag po zhal gcig phyag drug pa/ /gri gug bgrang phreng Da ma ru/ /thod pa mdung dang zhags pa rnams/ /zhes dang / rwa 'gyur mgon po gsang ba mngon par 'byung ba'i rgyud le'u lnga bcu pa las/ zhal gsum phyag drug pa lha mo bzhi'i 'khor dang bcas zur tsam bstan no/ /mkhas grub khyung po gdub bu pas ko sa la bikSha'i dur khrod du/ rje btsun mai tri pa la gser srang bdun phul nas zhus/ mkhas grub khyung po 'phan yul 'jog po'i ri la sgrub pa mdzad pa'i tshe grub chen rA hu las chos sgo skyel gyi tshul du gnang ba'i skor rnams bsdoms pas mnyam med ri bo dga' ldan pa la mgon po'i bka' bcu gsum du grags pa/ rdo rje 'chang sngags ram pa dge 'dun bkra shis kyis mdzad pa'i yi ge'i steng nas/ gtor dbang bar gcod kun sel/ rjes gnang bar gcod kun sel/ dbang bzhi byin brlabs kyi tshul du bskur ba/ bla mgon dbyer med kyi skor la zhi ba grib sel/ rgyas pa bla ma mgon po dbyer