[A:209]mkha' 'gro rtsa 'dab kyi grangs dang mnyam pa rigs kyi phyag mtshan yu ba'i gri gug can/ byin brlabs dbang bzhi'i tshul du bskur ba 'jug pa nas bzung / mig dar bzhi/ mthar sindhu ra'i dkyil 'khor nas g.yas pa'i srin lag gis blangs/ g.yon pa'i srin lag la bskus pa slob ma'i gnas so sor byugs bstim/ gsar ma'i ma rgyud kyi dbang sngon du ma song bar mi bskur/ drug pa/ bde mchog dkar po tshe bum gnyis 'dzin pa skyil krung can la phag mo dmar mo tshes gang ba'i thod pa gnyis 'dzin pas 'khyud pa/ 'brang rgyas mgo bor 'jog cing tshe ril za/ ka li'i tshe chang thung ba sogs/ bdun pa/ sgrol ma dkar mo thugs kar ye shes sems dpa' yod pa/ sngags ye ge bcu pa dang / oM sarba lo ka A karSha ya dzaHswAhA/ tshe chang tshe ril za 'thung / yang gtor ma nas cung zad za zhing bstim pa yin/ bskur chog na mi gsal ba zhal shes dgos pa rnams 'dir zhib tu bris so/ /de rnams kyi smin grol legs par thob pa'i brgyud pa ni/ rgyal ba rdo rje 'chang / rje btsun 'jam pa'i dbyangs/ grub chen dpa' bo rdo rje/ rgyal ba gnyis pa blo bzang grags pa/ rje chos bzang dpal ba/ thams cad mkhyen pa dge 'dun grub/ paN chen ye shes rtse mo/ rje chos ldan pa/ mar ston sems dpa' chen po tshul khrims rin chen/ rdo rje 'chang sngags ram pa dge 'dun kun dga' bkra shis/ thams cad mkhyen pa bsod nams rgya mtsho/ brag dgon spyan snga gzhon nu chos dpal bzang po/ rdo rje 'chang pha bong kha pa dpal 'byor lhun grub/ zur thams cad mkhyen pa chos dbyings rang grol/ thams cad mkhyen gzigs ngag dbang blo bzang rgya mtsho/ des bdag la bka' drin du bstsal to/ ! khro bo'i rgyal po mi