[A:266](ta)
! bka' 'gyur lung gi skor ni/
chu 'brug lo sa ga'i tshes bco lnga rang lo nyer brgyad lon tshe/
de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar gshegs pa/ 'jig rten mkhyen pa/ skyes bu 'dul ba'i kha lo bsgyur ba/ bla na med pa/ lha dang mi rnams kyi ston pa shAkya thub pa thugs rje'i bdag nyid can gyis legs par gsungs pa'i dam pa'i chos ni thog mtha' bar gsum du dge ba ste/ de'i nyan thos dag gi sa thog mar dge ba ni 'di lta ste/ lus kyi legs par spyod pa dang / ngag gi legs par spyod pa dang / yid kyi legs par spyod pa'o/ /bar du dge ba ni lhag pa'i tshul khrims dang / sems dang shes rab la bslab pa'o/ /tha mar dge ba ni/ rnam par thar pa'i sgo stong pa nyid dang / mtshan ma med pa dang / smon pa med pa'o/ /gzhan yang dang por dge ba ni/ dad pa dang / brtson 'grus dang / bag yod pa'o/ /bar du dge ba ni/ dran pa dang / ting nge 'dzin dang / sems rtse gcig pa'o/ /tha mar= shes rab dang lhag mthong dang ye shes so/ /gzhan yang dang por dge ba ni/ sangs rgyas la mi phyed par dang ba'o/ /bar= chos la= tha mar= dge 'dun la mi phyed par dang bas 'bras bu thob pa'o/ /gang dang por dge ba ni gzhan la nyan pa'o/ /bar= tshul bzhin yid la byed pa'o/ /tha mar= 'phags pa'i yang dag par blta ba'o/ /gang thog mar= sdug bsngal yongs su shes shing kun 'byung ba spong ba'o/ /bar= lam sgom pa'o/ /tha= 'gog pa mngon sum du byed pa ste/ 'di dag ni nyon mongs rnams kyi thog mar yang dge /bar= tha mar yang dge ba'o/ /de la