[A:341]chub dbang rgyal/ sngags 'chang tshe dbang bkra shis/ rab 'byams smra ba dpal ldan don grub/ 'jam dbyangs dbang phyug rgyal mtshan/ paN chen bsod nams mchog ldan/ chos rje rin chen rgya mtsho/
bla ma byams pa bstan pa rgya mtsho/ rdo rje 'chang blo gros dbang phyug /mkhan chen chos dbang rgya mtsho/ dge slong bskal bzang phrin las/ byams pa kun dga' bstan dar/ bslab gsum rnam par dag pa khyab bdag byams pa phun tshogs chos 'phel/ des bdag wA gindra la'o/ /
drin can rtsa ba'i bla ma theg mchog gling pa 'jam dbyangs rnam rgyal/ des bdag la dgyes pa chen pos stsal lo/ /skabs su bab pa'i yid ches ngo mtshar ba'i 'phros don/ rang gzhan gyi bzang rtog spel ba cung zad bri'o/ /de yang / rdzong pa dang / ngor pa spyi mthun zhing / skabs 'dir rje btsun mu srad pa'i gsung las 'di skad du chos kyi rje bla ma dam pa bsod nams rgyal mtshan gyis/ bla ma dpal ldan seng ge thugs dgongs rdzogs phyir du mkhan po shes rab rdo rje dang / dbus pa rin rgyal gnyis mnga' ris dbus rtsang khams gsum gyi dgon gnas kun tu mngags nas/ rje btsun yab sras gsum gyi bka' 'bum/ lung yod pa kun las lung blangs ste/ glegs bam dang dpe lung phyogs gcig tu bsgrigs so/ /zhes grags pas/ rje btsun bla ma dam pa bsod nams rgyal mtshan 'di nyid/ lugs srol 'di la bka' bsdu ba po yin no/ /de dag du ma 'dus pa phyis su/ theg chen chos kyi rgyal pos kyang slar rnyed pa rnams kha bskong bar mdzad pas shin tu bka' drin che ba yin no/ /zhes kho bo'i bla ma rnams gsung ngo / /chos rje khu dbon gyi bka' 'bum ni/ zhang dkon dpal nas yongs su rdzogs par brgyud de 'ongs pas/ glegs bam dang dpe lung snga mo nyid nas phyogs gcig tu bsgrigs te gnas so/ /de la 'di skad ces bya