[A:363]pa'i mtshams sbyor lnga pa'i zin bris/ bstan rtsis padma'i bcud 'dus/ srid pa'i bshad pa/ rtsis spyi'i rnam gzhag /lo 'pho zla 'pho/ dkar myang bal rtsis/ rtsis kyi 'bel gtam/ zhag gsum rnam dbye'i rnam gzhag /zla shol gsal ba'i sgron me/ dpyid ra lugs gcig bsgrubs pas nag rtsis sun 'byin/ gza' stong 'jug /gza' 'dzin 'grel pa'o/ /gsum pa ni/ bsngo ba yon bshad/ 'phrang po'i zhabs drung la gdams pa rnam dag lce rus so/ /bzhi pa ni/ bkra shis brjod pa'i go rim bkra shis rgya mtsho'i phreng ba rnams so/ /da dung bka' 'bum kha 'thor ba rnyed na sa bcad kyi don dang bstun nas 'jug par bya'o/ /
! sa skya gur gyi mgon po dang / gnyan mgon zhal bzhi pa'i chos skor rnams kyi lung cha shas tsam thob pa la/ thams cad mkhyen pa rdo rje gdan pa kun dga' rnam rgyal dpal bzang po la 'jam dbyangs byang chub dbang rgyal gyis gsan/ de la yongs 'dzin shAkya kun dga'/ de'i gsan yig tu gsal ba rnams/ nyi ma gling pa rdo rje 'chang tshul khrims bkra shis zhal snga nas kyis glegs bam gcig tu bsdebs pa 'di yin la/ la la dag thams cad mkhyen pas bsgrigs pa'i pusta ka yongs rdzogs lung bklag pa byung 'dug pa'i brgyud pa yongs 'dzin shAkya kun dga' la thug phyin ngal ba las don med do/ /de nas ganggA'i chu rgyun las/ 'khon rigs 'jam dpal rdo rje rje btsun sa skya pa yab sras la bstan pa bsrung ba'i chos skyong grangs med pa zhig bka' babs pa'i nang nas gtso bor gyur pa ma gha dha rdo rje gdan gyi sgo skyong / 'phags yul paN grub rnams kyi srung ma'i gtso bo rdo rje nag po chen po gur gyi mgon po ni/ mkha' 'gro ma rdo rje gur gyi rgyud las/ de nas bcom ldan 'das rdo rje 'dzin pa