[A:363]པའི་མཚམས་སྦྱོར་ལྔ་པའི་ཟིན་བྲིས། བསྟན་རྩིས་པདྨའི་བཅུད་འདུས། སྲིད་པའི་བཤད་པ། རྩིས་སྤྱིའི་རྣམ་གཞག །ལོ་འཕོ་ཟླ་འཕོ། དཀར་མྱང་བལ་རྩིས། རྩིས་ཀྱི་འབེལ་གཏམ། ཞག་གསུམ་རྣམ་དབྱེའི་རྣམ་གཞག །ཟླ་ཤོལ་གསལ་བའི་སྒྲོན་མེ། དཔྱིད་ར་ལུགས་གཅིག་བསྒྲུབས་པས་ནག་རྩིས་སུན་འབྱིན། གཟའ་སྟོང་འཇུག །གཟའ་འཛིན་འགྲེལ་པའོ། །གསུམ་པ་ནི། བསྔོ་བ་ཡོན་བཤད། འཕྲང་པོའི་ཞབས་དྲུང་ལ་གདམས་པ་རྣམ་དག་ལྕེ་རུས་སོ། །བཞི་པ་ནི། བཀྲ་ཤིས་བརྗོད་པའི་གོ་རིམ་བཀྲ་ཤིས་རྒྱ་མཚོའི་ཕྲེང་བ་རྣམས་སོ། །ད་དུང་བཀའ་འབུམ་ཁ་འཐོར་བ་རྙེད་ན་ས་བཅད་ཀྱི་དོན་དང་བསྟུན་ནས་འཇུག་པར་བྱའོ། །
༈ ས་སྐྱ་གུར་གྱི་མགོན་པོ་དང༌། གཉན་མགོན་ཞལ་བཞི་པའི་ཆོས་སྐོར་རྣམས་ཀྱི་ལུང་ཆ་ཤས་ཙམ་ཐོབ་པ་ལ། ཐམས་ཅད་མཁྱེན་པ་རྡོ་རྗེ་གདན་པ་ཀུན་དགའ་རྣམ་རྒྱལ་དཔལ་བཟང་པོ་ལ་འཇམ་དབྱངས་བྱང་ཆུབ་དབང་རྒྱལ་གྱིས་གསན། དེ་ལ་ཡོངས་འཛིན་ཤཱཀྱ་ཀུན་དགའ། དེའི་གསན་ཡིག་ཏུ་གསལ་བ་རྣམས། ཉི་མ་གླིང་པ་རྡོ་རྗེ་འཆང་ཚུལ་ཁྲིམས་བཀྲ་ཤིས་ཞལ་སྔ་ནས་ཀྱིས་གླེགས་བམ་གཅིག་ཏུ་བསྡེབས་པ་འདི་ཡིན་ལ། ལ་ལ་དག་ཐམས་ཅད་མཁྱེན་པས་བསྒྲིགས་པའི་པུསྟ་ཀ་ཡོངས་རྫོགས་ལུང་བཀླག་པ་བྱུང་འདུག་པའི་བརྒྱུད་པ་ཡོངས་འཛིན་ཤཱཀྱ་ཀུན་དགའ་ལ་ཐུག་ཕྱིན་ངལ་བ་ལས་དོན་མེད་དོ། །དེ་ནས་གངྒཱའི་ཆུ་རྒྱུན་ལས། འཁོན་རིགས་འཇམ་དཔལ་རྡོ་རྗེ་རྗེ་བཙུན་ས་སྐྱ་པ་ཡབ་སྲས་ལ་བསྟན་པ་བསྲུང་བའི་ཆོས་སྐྱོང་གྲངས་མེད་པ་ཞིག་བཀའ་བབས་པའི་ནང་ནས་གཙོ་བོར་གྱུར་པ་མ་གྷ་དྷ་རྡོ་རྗེ་གདན་གྱི་སྒོ་སྐྱོང༌། འཕགས་ཡུལ་པཎ་གྲུབ་རྣམས་ཀྱི་སྲུང་མའི་གཙོ་བོ་རྡོ་རྗེ་ནག་པོ་ཆེན་པོ་གུར་གྱི་མགོན་པོ་ནི། མཁའ་འགྲོ་མ་རྡོ་རྗེ་གུར་གྱི་རྒྱུད་ལས། དེ་ནས་བཅོམ་ལྡན་འདས་རྡོ་རྗེ་འཛིན་པ་