[A:396]dbang nam mkha'/ rje btsun 'jam dbyangs bstan 'dzin/ des bdag phrin las rnam rgyal la dgyes pa chen pos bstsal to/ /gnyis pa ni ches shin tu gsang ba'i rnam thar pusta ka gcig /gsum pa la gnyis kyi dang po mi'i bla ma la gsan pa dang / lhag pa'i lha la gsan pa gnyis kyi dang po ni/ (ga)gsan yig ganggA'i chu rgyun pusta ka bzhi'i brgyud pa ni/ rgyal dbang zhabs/ rje 'jam dbyangs bstan 'dzin/ des bdag go /gnyis pa ni ches gsang ba'i rnam thar na gsal/ gnyis pa ni lugs gnyis kyis mngon par mtho ba dga' ldan pho brang dang / rang byon 'phags pa'i gtsug lag khang dang / sog yul/ rgya nag la sogs pa'o/ /gsum pa gang gi phyir gsungs pa la/ bka' drin dran pa'i phyir gsungs pa dang / gdul bya so so'i ngor gsungs pa gnyis kyi dang po ni/ bla ma lnga bcu pa las/ dbang bskur mchog thob rdo rje yi/ /slob dpon la ni de bzhin gshegs/ /phyogs bcu'i 'jig rten khams bzhugs pa/ /dus gsum du ni mngon phyag 'tshal/ /zhes dang / he badzra las/ dngos grub thob pa'i slob ma gang / /yang dag ye shes snang ba po/ /mnar med spang ba'i rgyu yin phyir/ /grub pas bla ma mngon phyag 'tshal/ /zhes gsungs pa ltar ya rabs kyi spyod tshul bla na med pa ston pa'i phyir/ rtsa ba'i bla ma'i rnam thar/ brgyud pa'i bla ma'i rnam thar gnyis kyi dang po ni/ paN chen rin po che blo bzang chos kyi rgyal mtshan gyi gsang ba'i rnam thar gyi lung brgyud ni/ rgyal dbang zhabs/ pha bong kha pa 'jam dbyangs grags pa/ sprul sku dkon mchog nyi ma/ des bdag go /rje dkon mchog chos 'phel gyi rnam thar/ rje dpal 'byor lhun grub kyi rnam thar brgyud pa ni/ rgyal dbang zhabs/ pha bong kha pa 'jam dbyangs