[A:6]gong ma'i gsan yig lugs bzhin bri/ /zhes pa grub mtha' gzhan nas byung ba'i chos rgyun gyi brgyud pa dor nas rang ltos kyi bla ma 'dren pa ni spre'u yos rkun 'dra ste brgyud pa thams cad 'chol du mi 'jug pa gces so/ /chos mi thob pa'i rgyu bzhi ni/ chos la dad pa med pa dang / bla ma'am dge rgan ngan pas bkag pa dang / rang chen por rlom nas bla ma la mi gus pa dang / 'khor ba nas thar 'dod med pa'o/ /chos ma thob kyang chos thob khul gyis 'chad pa'i rkyen ni stais dbang zhig gis khri mthon por thon pas dge ba'i bshes gnyen du khas blangs te/ ltogs lhas ngo tsha bsgribs pa'i dpes 'chad cing bstan pa'i chom rkun byas pas/ gzhan la mi phan bzhin tu rang dmyal bar skye ba'i rgyu yin zhes phyag chen thig le sogs rgyud mang por gsungs so/ /yang de nyid las/ 'ga' zhig gsung rgyun dag dang bstun la rag /khungs ma chod rnams slar yang dpyad gzhir bzhag /nges pa 'ga' la dgag sgrub dang bcas te/ /yon tan bzhi ldan skyon med bdud rtsi'i sman/ /'di la dgos pa chen po mthong nas bris/ /shes ldan gzur gnas don gnyer rnams kyis dpyod/ /da dung tshor dang ma tshor ma rig pas/ /ma rtogs log rtog the tshom dag gi skyon/ /lhag chad nor 'khrul mchis na bzod par gsol/ /nges pa brnyed nas slar yang gso bar 'tshal/ /zhes so/ /mkhas pa 'jug sgo las/ bshad sla ba dang bzung bde zhing / /bstan bcos la yang rtsod bral phyir/ /mkhas pa la la bstan bcos lus/ /bsdus te thog mar dgod par mdzad/ /cais gsungs pa ltar/
Text Sections
le'u dang po gleng gzhi'i skor/ gnyis pa nyan thos so thar sdom pa'i skor/ gsum pa byang sdom sems bskyed kyi skor/ bzhi pa sngags sdom 'bras