[A:93]rakShi ta'i rgya gzhung dang / 'jigs byed kyi las mtha' rnams na gti mug gshin rje gshed sogs gsal bar bshad pa'i phyir ro/ /ro langs brgyad bskor gyi dkyil chog a mo gha badzras mdzad pa las/ dbus lte ba zlum po re'u mig dgu/ de'i phyi rol tu snam bu zlum pos bskor ba/ de'i phyi rol gru bzhi sgo bzhi sogs gsungs ngor dang sgyi chu dang rgyud dang mthun/ la li ta badzra gyis mdzad pa'i ro langs brgyad bskor chung ba las/ gru bzhi pa la sgo bzhi pa/ /rta babs bzhi yis rnam par mdzes nas/ de bzhin zla ba phyed pas so/ /de yi dbus su 'khor lo ni/ /re'u mig dgu pa zlum po'o/ /zhes dang / 'phags pa rin po che'i dkyil chog tu thod pa skam po'i ra ba zlum po zhes gsungs so/ /rmongs pa'i brgyud pa dag /gzhal yas khang gru bzhi pa'i nang du gzhal yas khang zlum po 'dod snam la keng rus kyi lha mo/ rgyu ma'i dra ba sogs byed pa ni bsod nams dman pa'o// //