[A:༣༤] འདི་ལ་སློབ་མ་ཐུགས་སྲས་བཞི། ཉེ་སྲས་གསུམ། སྲས་ཀྱི་ཐུ་བོ་བཞི་སོགས་ཡོད་པ་ལས། ཐུགས་སྲས་བཞི་ནི། འཇམ་དཔལ་ཞལ་མཐོང་ཤཱཀྱ་མི་ཏྲ། སྒྲོལ་མ་ཞལ་གཟིགས་ན་ག་བོ་དྷི། ས་བརྒྱད་ནོན་པ་ཨཱརྱ་དེ་ཝ། སྤྱན་རས་གཟིགས་ཞལ་མཐོང་མ་ཏང་གི་པའོ།
ཉེ་སྲས་གསུམ་པོ་ནི། སངས་རྒྱས་བསྐྱངས། ལེགས་ལྡན་འབྱེད། སློབ་དཔོན་དཔའ་བོ་དང་གསུམ་མོ།
སྲས་ཀྱི་གཙོ་བོ་བཞི་ནི། སྔར་གྱི་ཤཱཀྱ་བཤེས་གཉེན། འཕགས་པ་ལྷ། ཀླུའི་བྱང་ཆུབ་གསུམ་གྱི་སྟེང་དུ་ཟླ་བ་གྲགས་པ་དང་བཞིའོ།
གཞན་ཡང་རྒྱལ་སྲས་ཞི་བ་ལྷ། ཤ་ཝ་རི་དབང་ཕྱུག། ནག་པོ་པ་སོགས་བསམ་གྱིས་མི་ཁྱབ་པའང་འདིའི་སློབ་མ་དངོས་སོ།
ཡང་ཉེ་གནས་གསུམ་ནི་ཨཱརྱ་དེ་ཝ། ན་ག་བོ་དྷི། ཞི་བ་ལྷ་གསུམ་ཡིན་ཟེར་བའང་འདུག།
འདི་ཉིད་བསྙེན་པར་རྫོགས་པའི་མཁན་པོ་ནི། ནཱ་ལེནྡྲའི་མཁན་པོ་བྲམ་ཟེ་སྒྲ་གཅན་ཟིན་ཞེས་པ་ཞིག་ཡིན་པར་རྣམ་ཐར་དང་ལོ་རྒྱུས་ཕལ་ཆེར་ལས་འབྱུང་ལ། སྒྲ་གཅན་ཟིན་དེ་ཉིད་ས་ར་ཧ་ཡིན་པར་འགའ་ཞིག་ལས་བཤད་མོད། གྲུབ་ཐོབ་ཀྱི་སྤྱི་མེས་ས་ར་ཧ་ཆེན་པོ་ཞེས་པ་ཡོངས་གྲགས་དེ་ཉིད་ནི་མིན་པར་སེམས་ཏེ། དེ་ཉིད་སློབ་དཔོན་འདི་འཆི་བདག་འཇོམས་པའི་དཀྱིལ་འཁོར་དུ་བཅུག་ནས་སྐུ་ཚེ་སྲིང་བ་པོ་ཡིན་ཡང་། དེ་ཉིད་ལས་མཁན་པོ་སྒྲ་གཅན་ཟིན་ལོགས་སུ་བཤད་པས་སོ།
བྲམ་ཟེ་སྒྲ་གཅན་ཟིན་གྱི་མཁན་པོ་ནི། སྲས་སྒྲ་ཅན་ཟིན་ཡིན་ལ། འདི་ཉིད་ཀུན་དགའ་བོ་དང་ན་མཉམ་ཡིན་མོད། སྐུ་ཚེ་དགུང་ལོ་སུམ་བརྒྱ་