[A:5b-200] pa'i dus/ jo mo dang sras gnyis kyis phyogs thams cad du btsal bas ma rnyed par/ rong na mar byon pa'i tshe phug pa 'dug pa mthong bas/ phug pa ya gi 'dra na bzhugs pa'ang srid zer zhing blta bar byon pa dang mjal/ 'gro mgon gyis mi zas phal cher ma bsten pa'i shugs kyis bzhin mi sdug cing/ smig ma dang sma ra ni rab tu rgyas/ dbu skras sku rked non pa tsam du sleb pa de mthong bas/ mi ma yin zhig yin nam bsam phyir 'bros par brtsams pa'i tshe/ nga yin ma 'bros shig gsungs pas/ gsung ngo shes nas dgyes par gyur/ der yum sras gnyis la'ang gdams ngag phog/ sras brag phug de ka'i stengs na phug pa cig yod pa der bzhugs/ yum gyis yab sras gnyis kyi zhabs tog mdzad/ sha ba'i ro cig rnyed pa la brten nas sgrub pa mdzad pa'i tshe/ gtor ma la byi'ui gnod pa cher byung ba la/ yum gyis gtor ma 'di thog la 'dogs pa cig yod na yong ba 'dug ste gsungs pas/ gtsang smyon chen pos 'di la thogs gsung phyag 'dzub kyis brag lung phug pas phyag 'dzub kyi rjes dang bcas pa byung/ yang re shig na/ yum gyis sras la gsol ba zhu ba skor thag ring ba 'dug pas/ mthongs 'di la bug pa cig yod na yong thang pa zhus pas de 'dra yong gsung/ 'jim pa