[A:11b-212]kyi gtsug lag khang du sngar gyi mkhan po dang/ las slob/ gsang ston/ dus sgo/ las kyi kha skongs dad pa'i dge 'dun grangs tshang ba dang bcas pa'i dbus su/ tshigs phyi ma bsnyen par rdzogs pa'i dngos por mdzad de khrims nyis brgya lnga bcu rtsa gsum la rdzogs par bslabs/ ltung ba'i gnas shin tu phra mo dang yang zhag tu mi 'grogs par/ bslabs pa rin po che spyan 'bras las kyang gces par bsrungs pas bstan brtan mkhas kyi yon tan dang ldan par gyur te/ 'dul ba 'dzin pa rnams kyi gtsug rgyan dam par bzhugs nas/ phyisgangs can gyi ljongs 'dir dam pa'i chos 'dul ba'i bstan pa nyi ma shar ba ltar mdzad do/ /rab tu byung ba dge tshul dang dge slong la sogs pa grangs med pa'i mkhan por bzhugs pa yin te/
de ltar yang gsung las/
chung gnyen byed ces smra ba byung na yang//sems ni rab tu byung la dga' ba skyes//bcu bzhi lon pa'i shing pho spre'u lo la//yan lag 'byung sprul rab 'byor seng ge'i drung //rab byung dge tshul sdom pa tshul bzhin mnos//phyag rdor rnams sras zhi ba'i rjes gnang dang//zab mo dgyes pa rdo rje'i dkyil 'khor du//dbang bskur rnam snang rdo rjer ming yang btags//bka' bcu 'dzin pa bkra shis chos grub la//brten nas 'dul ba mdo rtsa'i gzhung