[A:16a-221] / /dang mjal/ de la drung pa gang nas byon/ da gar 'byon zhus pas/ chos kyi dung ste sgra chen ldan/ /zer zhing bdag cag byams chen chos sde nas yin/ da gangs can ljongs kyi bstan pa'i 'byung gnas dpal ldan gsang phur/ rtsod dus kyi sde snod 'dzin pa thams cad kyi cod pan mkhas pa'i dbang po bstan pa rab gsal gyi drung du 'gro ba yin zer bas/ sku skye ba du mar mkhas pa'i dbang po de dang dpon slob du 'brel ba'i thugs kyi bag chags sad pa'i mthu las/ mtshan bsam pa tsam gyis thugs dad rab tu rgyas/ ba spu g.yo zhing thugs nyams khyad par can 'khrungs/ slar thugs kyis bsams pa na spyir grong 'di'i ming yang legs/ khyad par khong dang mjal dus nyi ma yang shar/ 'jam dpal mtshan brjod kyi tshig mtshams de yang legs pa cig byung bas/ sngon la phrad pa grogs kyi mchog zer ba bzhin/ nged rang kyang khong dang sdebs mkhas pa'i dbang po bstan pa rab gsal gyi drung du 'gro dgos dgongs pa'i thugs 'dun che gcig pa/ byang chub sems dpa' rtag tu ngus/ bshes gnyen dam pa chos 'phags 'tshol ba ji lta bas dge bshes de dang lhan du phyir phebs/
de nub a ne'i sar bzhugs/ de nas rim gyis phebs/
mkhas pa'i dbang po dpon slob/ bcom ldan 'das 'khor lo sdom pa'i pho brang