[A:169a-527] / /rnam pa bkra ba zhig byon/ nye gnas tshul khrims rgya mtsho la mos pa'i rten du chu rI rim gyi dung g.yas 'khyil zhig byon pa phyis jo bo rin po che'i pho brang gi phyogs su gdul bya'i don du spyan drangs so/ /gzhan yang gdung gi tshal pa la la dag la rigs ldan gyi sku dang/ rgyud sde'i lha'i sna tshogs pa gsal ba dang 'bur du dod pa dang ri mor bris pa lta bu dang/ a yig la sogs pa gsung gi rten yig 'bru'i rnam pa du ma mtha' yas pa byon pa rnams rgyas par brjod na yi ge mangs pas 'jigs so/ /bdag nyid kyis mngon du ma gyur ba'i ngo mtshar ba'i rten bgrang bar yas pa skal ba dang ldan pa so so'i dad pa'i lag snod du 'dzin pa kho nar sems so/ /skyes bu chen po 'di nyid 'jig rten 'di'i dpal du gyur ba'i tshe/ rgyal ba karma pa'i phyag na mgon po 'di'i dbu lo sbugs cig bzhugs pa rin po che sna lnga'i phung por gyur cig nyag ma re re la'ang ring bsrel gyi phreng ba du ma bltams/ rje nyid kyi gsol ja ba zhig la sngon tshems che ba cig yod pa la'ang rnam rgyal mchod rten gyi rnam pa gsal bar byon/ bdag la tshems mche ba cig gnang yod pa la bzo dbyibs dung lta bur gyur cing a yig gis mtshan pa byung zhing/ rje 'di dang 'brel ba bzhag pa mtha' dag la rtags khyad par can byung ba ni