Byams pa gling Summer Teachingsde dusdpal byams pa gling pa chen po mi pham dga' ba'i bshes gnyen 'jigs pa med pa phyogs kyi go cha bsod nams rnam par rgyal ba dbang po'i sde'i zhal snga nas dang/ rgyal ba'i gsung rab mtha' dag gi chos kyi spyan gcig pur gyur pa skad gnyis smra ba'i dbang po lo chen bsod nams rgya mtsho'i sde dpon slob gnyis kyi bka' ji ltar stsal ba bzhin/ dpal rnam thos bu'i mnga' thang dang longs spyod la 'gran pa lta bu'i nor 'dzin gyi thig le chen po chos kyi rgyal po rin chen bzang po yab yum sras dang bcas pas phyag len la btab pa'i bkra shis sgo mang can thos pas rnam par grol ba'i mchod rten chen mo dang/ rgyal ba'i rgyal tshab chen po'i sku'i snang brnyan dang bcas pa rang byon lta bur legs par zhabs su byon/ rgya gar 'phags pa'i yul nas shar rgya nag po'i rgyal khams kyi bar la/ snyan grags kyi rnga bo che sgrog pa'i dpal byams pa gling gi chos sde chen po yang legs par dar rgyas su mdzad pa las/ dbyar chos chen mo la spyan drangs pa'i dge 'dun gyi sde yang/ mkhas pa'i dbang po dpon slob/ nA lanDa nas slob dpon sher dbang pa dpon slob/ chen po rtse nyag pa dpon/