[A:22b-234] slob sogs mtshan nyid grwa tshang gtos che ba dang/ gzhan yang lo tsA ba chen po de nyid kyi snyan pa la brten nas/ gsung gi bdud rtsi'i dga' ston la snyegs pa'i mkhas grub kyi skyes bu bgrang ba las 'das pa gdul byar 'dus pa la/ sa sde lnga la sogs pa mdo rgyud mtha' yas pa'i chos kyi 'khor lo dpag tu med pa bskor bzhin ba'i skabs su/ mkhas grub kyi 'dun pa chen po de dag tu bde bar gshegs pa'i bka' dri ma med pa rnams dpang du btsugs te/ yang dag pa yongs kyi dge ba'i bshes gnyen chen po rnams sde snod gsum gyi brjod bya'i don la bka'i bgro ba mdzad pa na/ gnas lnga rig pa'i rab 'byams pa chen po legs bshad pa'i gsung las/ "da lta 'dir gdan 'dzom pa'i dge ba'i bshes gnyen rnams kyi dbus na/ chos mngon pa'i sde snod la/ bstan gcig 'dzin pa chos grub pa las rang dbang du gyur ba mi 'dug" zhes bstod cing bsngags/
Great Prayer Festival at Byams pa gling, debate with Jo stan sMon lam pa
de nas smon lam chen mo tshugs shing/ skye bo'i tshogs grangs dpag tu med pa bgrang ba las 'das pa bsam gyis mi khyab pa 'dus/ de'i tshe gung tshigs bzhugs gral la gzhi byes spel ba'i bgros gleng pa slob ba'i bka' srol yod pa bzhin/
nyin gcig tshogs bye rdzing pa'i jo stan smon lam pa bya ba'i ston grags can cig 'bum mchod pa la