Teachings from Go rams pa bSod nams seng ge
dpal kye'i rdo rje las/ gzhan gyi brjod min lhan cig skyes/ /gang du yang ni mi rnyed de/ /bla ma'i dus thabs bsten pa dang/ /bdag gi bsod nams las shes bya/ /zhes dang/ rim lnga las/ ri dbang rtse nas 'ga' zhig lhuung gyur na/ /lhung bar mi 'gyur snyam yang lhung bar 'gyur/ /bla ma'i drin gyis phan pa'i lung thob na/ /grol bar mi 'gyur snyam yang grol bar 'gyur/ /zhes dang/ don dam bsten pa las/ 'dod pa'i dngos grub slob dpon zhal gyi rjes 'brang bar/ /ma lus rdo rje theg par thams cad mkhyen pas gsungs/ /shes zhes dang/ dpal dus kyi 'khor lo'i rgyud las/ dang por yang dag bsten bya bla ma dag kyang dam tshig ldan zhing rdo rje'i theg la lhag par gnas/ /de nyid bsgoms shing ma chags dri ma dag dang rnam par bral zhing bzod pa'i ngang tshul lam la zhugs/ /slob ma rnams la lam ni sbyin byed dmyal ba'i 'jigs pa 'phrog cing de nyid las ni tshangs spyod ldan/ /bdud rnams la ni rdo rje'i dbyug pa de yang 'dzin ma'i gzhi la rdo rje sems der rab grags pa'o/ /zhes dang/ dri ma med pa'i 'od las/ dus kyi 'khor lo'i rgyud ston pa po rdo rje slob dpon ni bcom ldan 'das 'jam dpal ji lta ba dang/ dus kyi 'khor lo dang po'i sangs rgyas ji lta ba bzhin du thar pa don du gnyer ba rnams kyis lta bar bya'o/ /zhes dang/ sangs rgyas zhal 'di