[A:3b-196] mtha' yas pa byon pa'i gnas/ bcom ldan 'das pad ma dbang chen gyi pho brang dngos yin pas bgegs rigs gdug pa can rnams kyis dus thams cad du me dpung chen po 'bar ba'i rnam par mthong bas me ser zhes yongs su grags pa de nyid du/ yab jo bo rje 'phags pa spyan ras gzigs kyi rnam 'phrul brgya dang brgyad byon par lung bstan pa'i gdan sa chen po gnas snying sogs 'debs pa po/ yol rig pa 'dzin pa chen po'i gdung las gyes pa 'gro mgon gtsang smyon chen po zhes yongs su grags pa de nyid kyi gdung yin la/
On 'Gro mgon gTsang smyon chen po aka sTag gzigs dpalgtsang smyon chen po de nyid kyang/ nyang stod stag tshal kha'u rdzing khar/ yab rgya gar rdo rje/ yum gnas gnas bkra shis rgyan gyi sras su sku bltams te/ mtshan stag gzigs dpal du btags/ dgung lo bzhi lon pa'i dus su/ yul der lo ro chu khyer zhes ba'i grub thob chen po cig byon/ de'i drung du yum gyis sras rgyab tu khur te/ byin rlabs zhus pas/ lo ro'i zhal nas/ bu 'dir khyog dang gsung/ bzhad thengs gsum mdzad/ 'di la chos pa rab gcig yong bar 'dug gsung lung bstan/ bu ram gsol 'phro zhal du bcug/ de rig pa rtsal gyi dbang yin no gsung/ lo bcu drug nas ar jag rkun