[A:11b - 12b]gcig 'khrungs pa ni/ bdag po slob dpon chen po grags pa rgyal mtshan pa chu mo glang la mdo khams su 'khrungs/ gdan sa chen mor gser dngul/ ja gos dar la sogs pas/ tshogs chen mor dge 'dun dang/ skye bo'i tshogs tshad med pa la bsnyen bskur 'bul ba bsam gyi mi khyab pa mdzad de/ gung lo zhe gnyis pa shing pho rta'i lo la mdo khams su gshegs/ de rnams rin chen sgang gi gdung rabs so// //dpal ldan sa skya pa'i gdan rabs ni chu mo glang nas brtsams te chu pho rta'i bar lo gsum bcu 'khon dkon mchog rgyal pos gdan sa mdzad/ chu mo lug nas lcags po stag gi bar lo brgyad ba ri lo tsA bas mdzad/ lcags mo yos nas sa pho stag gi bar zhe brgyad sa chen gyis/ sa mo yos nas shing mo phag gi bar lnga bcu rtsa bdun rje btsun chen po grags pas/ me mo byi ba nas chu mo yos kyi bar nyi shu rtsa brgyad chos rje sa skya paNDi tas/ shing mo 'brug nas shing pho byi ba'i bar nyi shu rtsa gcig dkar shakya grags kyis/ shing mo glang dang me pho stag gnyis 'phags pa rin po ches/ me mo yos nas shing mo phag gi bar lo bcu dgu gcung slob dpon rin chen rgyal mtshan gyis/ me pho byi ba nas lcags pho 'brug gi bar lo lnga 'phags pa rin po ches/ lcags mo sbrul nas me mo phag gi bar lo bdun dhar rma pA la rakShi tas/ sa pho byi ba nas me mo byi ba'i bar lo bcu 'jam dbyangs rin chen rgyal mtshan gyis/ sa pho khyi nas brtsams te shing pho byi ba bar lo nyi shu rtsa bdun bla ma bded chen po bzang po dpal gyis/ de rnams ni dpal ldan sa skya spyi la dbang mdzad pa'i gdan rabs bcu gcig zhes bya te/ gdung brgyud brgyad/ gdung brgyud kyis ma kheb pa'i bar gyii gdan sa gsum te bcu gcig go/ de dag spyir bsdoms pa la lo nyi brgya dang lnga bcu rtsa gnyis yod do/ ta shrI'i gdan rabs ni/ pho brang ta tu'i nang gi me tog ra ba zhes pa'i chos sde chen po bla ma 'phags pas btab pa'i gdan sa ti shrIs bzung ba la 'phags pa 'brug la gshegs pa'i 'tshaur grub nas/ da lo zla ba bcu gnyis pa la dharma pA la rakShi ta gdan drangs gdan sa lo lnga/ shar pa dus 'khor ba ye shes rin chen gyis byi ba glang stag gsum la ti shrI/ khang gsar ba ti shrI grags 'od kyi lo bcu gnyis ti shrI shar ba 'jam dbyangs rin chen rgyan mtshan pas yos 'brug gnyis kyi ti shrI khang gsar ba ti shrI sa skya dpal gyi lo lnga ti shrI mdo smad pa ti shrI rin chen grags kyi lo gsum ti shrI/ ti shrI kun blo gros lo bcu drug ti shrI/ ti shrI kun dga' legs 'byung gis lo gsum ti shrI lcags mo lug la ti shrI kun dga' rgyal mtshan gdan drangs nas lo nyi shu rtsa bdun te shrI mdzad/ de nas bla chen bsod blo bas ti shrI zla ba drug mdzad/ dpal ldan sa skya pa'i bla brang la gdung brgyud bzhugs pa'i bla brang bco brgyad/ brgya mtsho dpon gyi bla brang bcu gsum