[A:12b - 13b]sgrub par bskos/ bstan pa spyi la bka' drin che ba 'di// dpal ldan sa skya pa'i khyad chos yin// rgya gar yul gyi mu gtegs ston pa drug// rtog ge mkhas pa'i nga rgyal gyi mtho ba// rig pas tshar bcad rjes su bzung ba di/ dpal ldan sa skya'i khyad chos yin/ dge 'dun khri tsho bco brgyad chos ra gcig// chu mig chos 'khor dge 'dun khri tsho bdun// e yi chos 'khor dge 'dun khri tsho bzhi// sman tshe'i yul khams gcig la lo gcig la// rgya'i dge slong dge tshul stong phrag dang// dgu brgya zin pa'i mkhan po mdzad pa 'di// dpal ldan sa skya'i khyad chos yin// bsam yas chos 'khor dge 'dun khri tsho gnyis// so so'i phyag tu gser zho re lhag dang/ gzhan yang 'bul ba gya noms sgrub pa dang/ skye bo 'bum phrag mang po'i sbyin gtong 'di// dpal ldan sa skya'i khyad chos yin// nyi ma gcig la dngul bre stong phrag gcig// gos chen yug chen lnga stong dgu brgya dang// bzhi bcu'i 'bul ba gcig char blangs pa 'di// dpal ldan sa skya'i khyad chos yin// nor lha dmar po dkor gsum byin rlabs kyis// rnam thos bu'i nor 'dra thob pa lags// bstan dang gro la chos sbyin stong phod 'di// dpal ldan sa skya'i khyad chos yin// mnga' thang che btsan 'dod la dam kha dang// skye 'gro yongs la nor gyi char 'bebs shing// thar 'dod rnams la thar lam ston pa 'di// dpal ldan sa skya'i khyad chos yin// paN chen su ga ta dang sangga shri// dznya na shri dang lakSham ka ra sogs// rgya gar paN chen mang pos sngags pa 'di// dpal ldan sa skya'i khyad chos yin// rigs rus cho 'brang che ba'i yon tan dang// skye stobs blo gros che ba'i ya mtshan dang// sbyang stobs mkhyen rabs che ba'i ya mtshan gsum// 'jam dbyangs bzo 'os gcig char sgrub bsam snyam// 'ga' zhig phyogs re tsam gyis yid gang nas// zab yangs chos kyi rgya mtsho sa skya pa// gzhan blo'i bum par mi chud gang de ni// khron gnas sbal pa'i rjes 'brang ma lags sam// bstan pa'i bdag po dpal ldan sa skya pa'i // shing rta chen po'i ring lugs la bzhugs nas// rgya cher chos kyi dpal la spyod pa gang// bskal bzang blo gros chen pos shis par byos//
Colophon, ff. 13b7-14a3
zhes bya ba 'di ni mdo brgyud man ngag thams cad gyiskyi 'byung gnas su gyur pas bshad sgrub gnyis bka'ika'i bstan pa rin po che'i mnga' bdag chos kyis brgyal po brje tsunkyi rgyal po rje btsun sa skya pa// yab sras kyiskyi ring lugs bzang po la mi 'phrog pa'i blo gros dang dad pa thob pa // shakya'ishAkya'i dge slong shakyashAkya don grub dpal bzang pos me mo sbrul dmar gser can gyi lo chus btod can gyi zla ba yongs su gang ba'i tshes bcwo lnga la sdzogs par basbyarsbyar ba'i dge bas brjerje btsun dpal ldan sa skya pa'i bstan pa rin po che