[A:6a]/ /mnga' ris gung nang pa/ lha gcig mdzes ma'i nye gnas ma/ ming ma gcig rdo rje ldan/ de la sras slob dpon chen po ye shes 'byung gnas/ sa pho khyi la sa skya'i bsam gling du 'khrungs/ dgung lo sum bcu so bdun pa/ shing po khyi'i lo/ zla ba bcu gcig pa'i tshes bcu bzhi la 'jang yul du gshegs/ 'di las deng sang gi zhal ngo phal che ba gyes so// mdor na slob dpon tshangs tsha la sras pho bzhi/ sras mo bzhi ste brgyad 'khrungs so// yang 'phags pa rin po che'i gcung 'gro mgon phyag nas btsun mo gsum bzhes pa'i/ rgyan bu go than gyi sras mo btsun mo/ me 'ga' yun dang/ ma gcig ldan tsha chos 'bum la sras ma byung/ btsun mo gsum pa yul zhal lu ma/ pha ming sku zhang mnga' sgra/ hor rgyal po'i nang blon yin/ ming ma gcig khro 'bum/ de la sras bdag nyid chen po dharma pha la rakShi ta/ sa pho 'brug gi lo zla ba dang po la zhal lu khang gsar du 'khrungs/ dgung lo nyi shu pa/ mdo khams tre'i sa cha tre maNDal khud du gshegs/ de la rgyal bu jim bug the mur gyi sras mo dpon mo dpal ldan gnang yang sras ma byung/ de rjes jo 'bro stag 'bum khab tu bzhes pa'i sras/ dharmA zhes bya ba 'khrungs kyang/ chung ngu la sku gshegs/ phyag na'i gdung rabs des rdzogs so//