[A:2b]de'i slob bu/ bod kyi btsun pa la snga ba sad mi mi bdun du grags pa yod pa la/ rgan gsum/ gzhon gsum/ bar pa gcig dang bdun gyi/ bar pa/ glang khams pa/ su ga ta warma rakShi ta zhes bya ba/ bod skad du bde bar gshegs pa'i go cha bsrung ba zhes bya'o/ dkon pa rje gung stag 'di/ blo che zhing 'jig rten gyi bya ba la mkhas pas/ rgyal pa'i nang rje yun ring du byas/ de'i dus na 'khon dpal po che zhes bya bar yang grags so/ des glang khams pa lo tsha ba'i lcam mo/ bla sa ne chung ma bya ba khab tu bzhes pa la/ sras gnyis byung pa'i che ba de/ dba' ye shes dbang po dang/ rang gi zhang po'i thad du rab tu byung ste/ 'khon klu'i dbang po bsrung ba zhes bya'o/ kha gcig mkhan po ni zhi ba mtsho yin la/ slob dpon rang gi zhang po yin zer ro// gang ltar yang lo tsha ba gzhon gsum gyi nang nas thugs rab che ba/ 'khon na ga iNDa rakShi ta zhes bya ba/ sngags dang mtshan nyid kyi yon tan phun sum tshogs pa mnga' zhing/ slob dpon pad ma 'byung gnas la rdo rje phur pa dang/ yang dag laswa po mang du zhus nas yer pa'i gnas chen du bsgrub pa mdzad de/ grub pa mnyes pas phyin chad 'khon la grags pa chen po byung pa yin no// de'i gcung rdo rje rin chen slob dpon pad ma dang/ rang gi gcen la dbang dang