[A:3b]de 'og gnyal du gshegs te/ gnyal lo ro na yang/ 'khon mang du yod do/ de 'og nyang rong dang/ shab tu song ste/ nyang shab kyi 'khon rnams yin/ de 'og grom pa g.ya' lung du byon pa yin/ tha chung dang/ yab yul du bzhugs/ 'gro dang 'khrug pa yang byas/ de las gyes pa gnyan rtse ra na ma 'khris sde gsum du grags pa rnams yin/ tha dag grom par byon te/ mtshan shes rab yon tan/ de la sras gnyis 'khrungs pa'i che ba 'khon yon tan tshul khrims rgyal po yin/ chung ba khab so rtag tog tu byon/ der kyang 'khon ci rigs pa 'phel/ de nas g.yas ru byang du gyes pas 'khon tsha'i sde mang du yod do// kha cig shes rab yon tan gyi sras/ yon tan 'byung gnas/ de'i sras tshul khrims rgyal mtshan sku mched byung bar bzhed de/ yig cha rnying pa na mi snang/ shes rab yon tan gyi sras tshul khrims rgyal po/ de la sras gsum 'khrungs pa'i bar pa gdal tshang tshang du byon/ che chung g.ya' lung du bzhag pa'i/ che ba 'khon gtsug gtor shes rab/ de la sras bdun byung ba dang/ khu bo chung ba dang bcas pa la 'khon tsho brgyad du grags pa g.ya' lung na yod/ sras bdun po'i che shos 'khon dge skyabs/ de shab tu byon/ de la sras gnyis yod pa'i che ba dge mthong/ chung ba las