[A:4b]byung pa/ yul tsha mo rong pa/ rigs rje rtsad/ de gnyis yun drug gi thog mar/ nu mo khab tu bzhes so// de'i ming jo lcam phur mo/ de la sras slob dpon kun dga' 'bar bya ba sa skyar 'khrungs/ dgung lo nyi shu rtsa gnyis pa la tshad pa'i snyun gyis thebs pa'i tshul bstan te/ rgya gar ma ga ta rdo rje gdan du sku gshegs so// rjes su a che khab du bzhes pa'i ming/ ma gcig 'od sgron la sras gsum 'khrungs pa'i che ba rin po che bsod nams rtse mo zhes su grags pa de chu pho khyi'i lo la chu mig rdzing khar sku 'khrungs/ dgung lo bzhi bcu zhe gcig pa/ chu pho stag gi lo la smal po'i zla ba'i tshes bcu gcig gi nyin skar ma dbyug pa la sgo rum deb khang du sku gshegs/ de'i gcung rje btsun chen po grags pa rgyal mtshan me pho yos bu'i lo/ smal po'i zla ba'i tshes brgyad la sgo rum du 'khrungs/ dgung lo bdun bcu pa me pho byi ba'i lo khra'i zla ba'i tshes bcu gnyis la/ de nyid du sku gshegs so/ de'i gcung dpal chen 'od po lcags pho rta'i lo smin drug zla ba'i nyi shu lnga la/ sa skyar 'khrungs/ dgung lo lnga bcu nga bzhi pa chu mo phag gi lo la zla ba lnga pa'i nyi shu gcig la/ kha 'ur gshegs/ des btsun mo gnyis bzhes pa'i che ba de/ yul dpon po ri'i rgyab/ ga ra'i phu yin/ ming ma gcig nyi khri lcam/ de las sras chos