[A:4a]/ /pa rgyal mtshan pa/ chos rje khu dbon gyi slob ma shar nu gung gsum du grags pa/ bla brang shar pa'i gdung rabs ni/ gdung rus zhang zhung sngags rnying ma ba jo 'bum zhes pa'i sras sku mched gsum las gcen po bla ma shar pa shes rab 'byung/ chos rje pa la rab tu byung/ dpon shAkya bzang po la ngo ltos nas bla brang shar bzung/ dgung lo drug bcu rtsa bzhi thub/ gnyis pa bla ma rdor rje 'od zer/ shar gyi bdun sa lo bdun mdzad/ dgung lo drug bcu rtsa bzhi thub/ gsum pa slob dpon 'od zer 'phan ston dge bsnyen yin/ khong sku mched skyid lcam mo'i sras bla ma ye shes rgyal mtshan/ chos rje pa dang shar pa shes rab 'byung gis slob ma yin/ gong du se chen dang mang gha la'i bla mchod mdzad/ bla ma rdo rje 'od zer gshegs rting shar gyi gdan sa lo bcu dgu mdzad/ dgung lo drug bcu rtsa drug thub/ shar pa chen po rab tu ma byon/ gong gi sras chug po rje btsun skyabs la 'khrungs pa'i sras gsum bka' 'gro mgon 'phags pa'i slob ma yin/ gcen po bla ma dus 'khor ba ye shes shes rab rin chen bla ma 'phags shi khun na bzhugs pa gdan 'dren pa la sa skya pas brdzangs/ phyis rgya yul du byon/ se chen rgyal po thugs la brtags nas ti shri mdzad/ dgung lo bzhi bcu zhe bdun la rtse lngar gshegs/ sras gnyis pa bla ma dam pa kun dga' seng ge bla ma'i gsung bzhin gong du byon/ gong ma dang rgyal bu a dan ta'i bla mchod mdzad/