[A:༦༣༧]བྱམས་པ་ངག་དབང་ལྷུན་གྲུབ། གནས་གསར་ཞབས་དྲུང་དབོན་རིན་པོ་ཆེ་ནམ་མཁའ་བསོད་ནམས་དབང་གི་རྒྱལ་པོ། གྲུབ་པའི་དབང་ཕྱུག་ལྕགས་ཟམ་པ་ཆེན་པོའི་དབོན་ངག་དབང་བསྟན་འཛིན་ཕུན་ཚོགས་གསུམ་གྱིས་གསུང་ངག་བརྒྱུད་པའི་ཁ་སྐོང་དུ་དགོས་པའི་མཚམས་སྦྱར་བར་བརྟེན་རིགས་དང་དཀྱིལ་འཁོར་ཀུན་གྱི་ཁྱབ་བདག་རྡོ་རྗེ་འཆང་བློ་གསལ་རྒྱ་མཚོ་གྲགས་པ་རྒྱལ་མཚན་དཔལ་བཟང་པོའི་རྣམ་པར་ཐར་པ་སློབ་བཤད་བསྟན་པའི་ཉི་འོད་འདི་ནི་ཁའུ་བྲག་རྫོང་པའི་རིང་ལུགས་ལ་རྒྱུ་མཚན་ཤེས་ནས་དད་པ་ཐོབ་པའི་ཟ་ཧོར་གྱི་བནྡེ་སློབ་བཤད་འཛིན་པ་ངག་དབང་བློ་བཟང་རྒྱ་མཚོ་འཇིགས་མེད་གོ་ཆ་ཐུབ་བསྟན་ལང་ཚོའི་སྡེས་ཨཱའ་ན་ལ་ཞེས་པ་མེ་འབྲུག་གྲོ་བཞིན་ཟླ་བའི་ཡར་ཚེས་བཅོ་ལྔ་རྗེ་བླ་མ་མཁའ་སྤྱོད་དུ་གཤེགས་པའི་དུས་དྲན་གྱི་ཉིན་ཕོ་བྲང་ཆེན་པོ་དམར་པོ་རིར་སྦྱར་བའི་ཡི་གེ་པ་ནི་འཕྱོང་རྒྱས་སྤུན་བདུན་པ་ལྷུན་གྲུབ་རྒྱ་མཚོའི་བགྱིས་ཏེ་གྲུབ་པའི་དགེ་བས་སྙན་བརྒྱུད་ཚད་མ་བཞི་ལྡན་གྱི་བསྟན་པ་སྲིད་མཐའི་བར་དུ་རྒྱས་པར་གྱུར་ཅིག །སརྦ་མངྒ་ལཾ།། །།