[A:༦༤] མཚན། ལྔ་རིག་པ་ཀུན་དགའ་བཀྲ་ཤིས། རི་ཁུ་སྤྲུལ་སྐུ་ཀུན་དགའ་མཁས་གྲུབ་དབང་པོ་སོགས་བསྟན་པ་འཛིན་ངེས་ཀྱི་སྐྱེས་བུ་དམ་པ་མང་དུ་བྱོན་པ་ལས། དེང་སང་ཡང་རྗེ་བཙུན་ས་སྐྱ་པའི་དབང་ལུང་མན་ངག་ཕྱག་འཁྲིད་སོགས་ཀྱི་བཀའ་སྲོལ་མ་ཉམས་པར་ཡོད་པ་འདི་ཁོ་ནའི་བཀའ་དྲིན་ཡིན། དེ་སྲས་འཇམ་མགོན་དབང་སྡུད་སྙིང་པོ་དང་། ཀུན་དགའ་ཕན་བདེ་རྒྱ་མཚོ་མཆེད་ཞལ་གྱིས། ཡབ་རྗེ་གཙོ་བོར་གྱུར་པའི་དམ་པ་དུ་མ་ལས་གདམས་པ་རྒྱ་མཚོ་ལྟ་བུ་གསན། འཆད་སྤེལ་དང་གྲུབ་པའི་ཕྲིན་ལས་ཀྱིས་བསྟན་འགྲོའི་ཕན་བདེ་སྤེལ། སྔ་མའི་སྲས་ཁྲི་ཆེན་པདྨ་བདུད་འདུལ་དབང་ཕྱུག་གམ་ཀུན་དགའ་བཀྲ་ཤིས། སྔགས་འཆང་ཀུན་དགའ་རིན་ཆེན། འཇམ་མགོན་ཀུན་དགའ་རྒྱལ་མཚན། མགོན་པོ་དངོས་གྲུབ་དཔལ་འབར་རྣམས་བྱོན་པ་ལས། ཡབ་རྗེ་དང་། གནས་ལྔ་རིག་པའི་པཎྜི་ཏ་ཀུན་དགའ་བཀྲ་ཤིས་ལས་རང་ལུགས་གཙོ་བོར་གྱུར་པའི་གདམས་པའི་གསན་བསམ་ཉམས་བཞེས་འཆད་སྤེལ་སོགས་གནང་། ཁྲི་ཆེན་སྲས་ཁྲི་ཆེན་བཀྲ་ཤིས་རིན་ཆེན་གྱིས་ཡབ་རྗེ་དང་། ཐར་རྩེ་རྡོ་རྗེ་འཆང་བྱམས་པ་ཀུན་དགའ་བསྟན་འཛིན་ལས་གསན་བསམ་དངངང་། སྔགས་འཆང་ཀུན་དགའ་རིན་ཆེན་སྲས་འཇམ་མགོན་རྡོ་རྗེ་རིན་ཆེན་གྱིས་ཡབལབ་རྗེ་དང་། འཇམ་མགོན་