[A:༦༧]་མེད་པའི་ཕྱིར་རྩོད་པའི་དུས་ཀྱི་རྡོ་རྗེ་འཆང་ཞེས་གྲགས་དཀར་གྱི་ཡི་གེ་ཕྱོགས་ཀྱི་བུ་མོའི་རྣ་ལུང་དུ་བཀོད། མཁས་ཤིང་དངོས་གྲུབ་བརྙེས་པའི་ཞལ་སློབ་ཀྱང་བསམ་གྱིས་མི་ཁྱབ་པ་བྱོན་པས་སྟོད་མངའ་རིས་ནས་སྨད་རྒྱ་མཚམས་ཡན་ཆད་དུ་ཕྲིན་ལས་ཀྱི་རྒྱུན་སྐྱོང་བའི་ཆོས་སྡེ་ཆེ་ཕྲ་བགྲང་གིས་མི་ལང་། དེ་ལྟར་རྡོ་རྗེ་འཆང་ཉིད་དགུང་ལོ་དོན་ལྔ་པར་གྲུབ་མཐའ་རྙོགས་ནས་གཟུགས་སྐུའི་བཀོད་པ་བསྡུས་པའི་རྗེས་གདན་སར་འཁོར་ལོ་སྡོམ་པ་ངུར་སྨྲིག་གར་གྱིས་རོལ་པ་མུས་ཆེན་སེམས་དཔའ་ཆེན་པོ་དཀོན་མཆོག་རྒྱལ་མཚན་བཞུགས་ཏེ། དེ་ཡང་མུས་སྟག་མོ་གླིང་སྐྱར་ཞང་གི་རིགས་སུ་འཁྲུངས། རོང་སྟོན་དང་། རྡོ་རྗེ་འཆང་སོགས་ཡོངས་འཛིན་བཞི་བཅུ་ཙམ་བསྟེན་ནས་ཐོས་བསམ་སྒོམ་གསུམ་གྱི་ཕ་རོལ་སོན། རྡོ་རྗེ་འཆང་གཤེགས་རྗེས་གདན་ས་ལོ་གསུམ་དུ་མཛད་ཅིང་། གཤེགས་རྗེས་ཀྱི་བྱ་བ་དང་། འཆད་སྤེལ་
གསུང་འབུམ་པོད་གཅིག་ཡོད།
རྒྱུན་བསྲིངས། ཞལ་སློབ་ཀྱང་ཀུན་མཁྱེན་བསོད་ནམས་སེང་གེ་སོགས་ཚོགས་བཤད་དང་། བདག་ཆེན་རྡོ་རྗེ་འཆང་སོགས་སློབ་བཤད་ཀྱི་བརྒྱུད་འཛིན་རྣམས་བྱོན་པས་ཚོགས་སློབ་ཐམས་ཅད་ཀྱི་འབྱུང་གནས་ཀྱང་རྗེ་འདི་ཉིད་ཡིན་ནོ། །ཕྱིས་མུས་བསམ་གཏན་ཕུག་ཏུ་ཐུགས་དམ་