[A:༧༢] ཆུབ་སེམས་དཔའ་རིགས་བརྒྱའི་ཁྱབ་བདག་རྣལ་འབྱོར་འཇམ་དཔལ་བཟང་པོ་༥༠། ཁང་གསར་བ་མཁན་ཆེན་མཚུངས་མེད་ངག་དབང་བློ་གྲོས་བསྟན?བརྟན་འཛིན་གྱི་བར་དུ་བྱོན་ནས་པཎྜི་ཏས་བཤད། ལོ་ཙཱ་བས་བསྒྱུར། གྲུབ་ཐོབ་ཀྱིས་བསྒོམ། མཁས་པ་རྣམས་ལ་ཚད་མར་གྲགས་པའི་མདོ་རྒྱུད་བསྟན་བཅོས་དང་བཅས་པ་རྗེ་བཙུན་ས་སྐྱ་པ་ཡབ་སྲས་དང་ངོར་ཆེན་རྡོ་རྗེ་འཆང་ཆེན་པོས་ཇི་ལྟར་བཀྲལ་བ་བཞིན་དུ་ལུང་རིགས་ཀྱི་བཤད་པ་སྒོམ་སྒྲུབ་ཀྱི་ཉམས་ལེན། ཆོ་གའི་ཕྱག་ལེན་ཕྲ་མོ་ཚུན་ཆད་ཀྱང་གཞན་དང་མ་འདྲེས་པར་བསྐྱངས་པས་དཔྱད་པ་གཙང་ཞིང་བློ་གྲོས་ཀྱི་པདྨོ་རྒྱས་པ་རྣམས་ཀྱིས་གཅིག་ཏུ་བསྔགས་པའི་གཞིར་གྱུར་པ་ཡིན་ནོ༎ ། ༎འཕེན་ཡུལ་ནཱ་ལེནྡྲ་སྟེ་བོད་སྐད་དུ་རྒྱུན་གྱི་དབང་པོར་གྲགས་པའི་ཆོས་གྲྭ་ནི། པཎྜི་ཏ་ཀ་མ་ལ་ཤཱི་ལ་དང་། རྨ་ལོ་ཙཱ་བ་རིན་ཆེན་མཆོག་གི་རྣམ་འཕྲུལ་རོང་སྟོན་སྨྲ་བའི་སེངྒེ་ཤེས་བྱ་ཀུན་མཁྱེན་ཤེས་རབ་རྒྱལ་མཚན་གྱིས་དགུང་ལོ་བདུན་ཅུ་པ་མེ་འབྲུག་ལོར་བཏབ། གཟིམ་ཁང་འོག་མ་ཀུན་མཁྱེན་བཀྲ་ཤིས་རྣམ་རྒྱལ་སོགས་ཀྱིས་བསྐྱངས། སྔར་མཚན་ཉིད་ཀྱི་གྲྭ་ས་ཆེན་པོར་གྱུར་ཀྱང་། བར་སྐབས་ཉམས་ཆག་བྱུང་བའི་རྐྱེན་གྱིས་བདག་ཆེན་རྡོ་རྗེ་འཆང་བློ་གྲོས་རྒྱལ་མཚན་གྱིས། ལོ་ཙཱ་བ་ལྕེ་ཁྱི་འབྲུག་སོགས་ཀྱི་རྒྱུད་ལས་འཁྲུངས་པ་ཞྭ་ལུ་