[A:༡༠༡] གསེར་མདོག་པཎ་ཅན་ཤཱཀྱ་མཆོག་ལྡན་ཏེ་གོ་ཤཱཀ་རྣམ་གཉིས་ཅེས་རྗེ་བཙུན་ས་སྐྱ་པའི་བསྟན་འཛིན་གངས་ཅན་མཛེས་པར་བྱེད་པའི་རྒྱན་དྲུག་བྱོན་ནས་བཤད་སྒྲུབ་ཀྱི་དགའ་སྟོན་ཕྱོགས་བརྒྱར་སྤེལ། གཞན་ཡང་ཉ་དཔོན་ཀུན་དགའ་དཔལ་དང་། མཁན་ཆེན་བརྩོན་བགྲུས་དཔལ་ཏེ་མཁས་པ་ཉ་བརྩོན་རྣམ་གཉིས། སེམས་དཔའ་ཆེན་པོ་གཞོན་ནུ་རྒྱལ་མཆོག་།བྱམས་ཆེན་རབ་འབྱམས་པ་སངས་རྒྱས་འཕེལ། སྨར་ཁམས་གྲགས་པ་བཟང་པོ། ཀུན་མཁྱེན་ནམ་མཁའ་བསོད་ནམས། རོང་སྟོན་དོན་ཡོད་དཔལ། འཇམ་དབྱངས་ཀུན་དགའ་ཆོས་བཟང་། མུས་རབ་འབྱམས་པ་བྱམས་པ་ཐུགས་རྗེ་དཔལ་བཟང་། འབུམ་རབ་འབྱམས་པ་བྱམས་པ་ཆོས་ཀྱི་དོན་གྲུབ། གཞུང་བརྒྱ་པ་དངོས་གྲུབ་དཔལ་འབར། མངའ་རིས་པ་ལྷ་དབང་བློ་གྲོས། སྟག་ཕྱག་པ་ཀུན་དགའ་དཔལ་འབྱོར། ཤེལ་གྲོགས་པཎ་ཆེན་བློ་གྲོས་ཆོས་ཀྱི་རྒྱལ་པོ། གཟི་བཀའ་བཅུ་ཤཱཀྱ་བློ་གྲོས། མང་ཐོས་ཀླུ་སྒྲུབ་རྒྱ་མཚོ། མཁན་ཆེན་ངག་དབང་ཆོས་གྲགས། ངག་དབང་བསྟན་པའི་རྡོ་རྗེ་སོགས་བགྲང་གིས་མི་ལང་བ་ཞིག་བྱོན་ནས། པོད་ཆེན་དྲུག་གཙོར་གྱུར་པའི་དཔལ་ས་སྐྱ་པའི་མཚན་ཉིད་བཀའ་སྲོལ་ལ་འཆད་རྩོད་རྩོམ་གསུམ་གྱིས་གཏན་ལ་ཕབ་ཅིང་། བཤད་རྒྱུན་འཁྲུལ་མེད་དུ་འཛིན་པའི་ཆོས་གྲྭ་ཆེན་པོ་མང་