[A:༡༠༤] གསེར་ཆོས་ཀྱི་སྐོར་རྣམས་རྨོར་ཆེན་ནས། འཇམ་དབྱངས་བདེ་བའི་རྡོར་རྗེ། སྟག་ཕུ་པ་བློ་བཟང་བསྟན་རྒྱན། ལྕང་སྐྱ་རོལ་པའི་རྡོ་རྗེ། ཐུའུ་ཀྭན་བློ་བཟང་ཆོས་ཀྱི་ཉི་མ། སྟག་ཕུ་པ་ཆོས་ཀྱི་དབང་ཕྱུག་སོགས་དང་། གནས་གསར་བ་ལས་ཞི་བ་ལྷ་འཕགས་པ་དགེ་ལེགས་རྒྱལ་མཚན་གྱིས་གསན་པས་དགེ་ལུགས་པའི་ཕྱོགས་སུ་ཤིན་ཏུ་དར་ཞིང་ཡིག་ཆའང་མང་དུ་མཛད་སྣང་ངོ། དེ་ལྟར་དཔལ་ས་སྐྱ་པ་བརྒྱུད་འཛིན་དང་བཅས་པའི་རྣམ་ཐར་རྒྱས་པ་ནི། དཀོན་མཆོག་ལྷུན་གྲུབ་ཀྱིས་མཛད་པའི་བསྟན་པ་སྤྱིའི་ཆོས་འབྱུང་བསྟན་པའི་རྒྱ་མཚོར་འཇུག་པའི་གྲུ་ཆེན་འཇམ་མགོན་སངས་རྒྱས་ཕུན་ཚོགས་ཀྱི་ཞལ་སྐོང་དང་བཅས་པ། མང་ཐོས་ཀླུ་སྒྲུབ་པའི་བསྟན་རྩིས། མཁན་ཆེན་ངག་དབང་ཆོས་གྲགས་ཀྱི་ཕོདཔོད་ཆེན་དྲུག་གི་འབེལ་གཏམ་རིན་ཆེན་མཛེས་པའི་ཕྲ་ཚོམ། ཐུབ་བསྟན་པ་ཆོས་རྣམ་རྒྱལ་གྱི་ཆོས་འབྱུང་འབེལ་གཏམ་ཉུང་ངུ་མེ་ཏོག་སར་པའི་དོ་ཤལ། དཀོན་མཆོག་ལྷུན་གྲུབ་ཀྱི་ས་སྐྱའི་གདུང་རབས་ཚིགས་བཅད་དང་། ཨ་མེས་ཞབས་ཀྱིས་མཛད་པའི་གདུང་རབས་ཆེན་མོ་ངོ་མཚར་བྱེ་བའི་བང་མཛོད། དེའི་ཁ་སྐོང་ཀུན་བློས་མཛད་པ། ས་ལོ་ཆེན་པོ་དང་། སྔགས་འཆང་ཀུན་དགའ་རིན་ཆེན་ནས། ཀུན་བློ་ཡབ་སྲས་བར་སོ་སོའི་རྣམ་ཐར་རྒྱས་པ། རྗེ་བཙུན་བིརྭ་པ་ནས་མཁན་