[A:༡༠༣] གྲུབ་དཔལ་ལྡན་དོན་གྲུབ། འཇམ་མགོན་སངས་རྒྱས་ཕུན་ཚོགས། ཞུ་ཆེན་མ་ཧཱ་པཎྜི་ཏ་ཚུལ་ཁྲིམས་རིན་ཆེན་རྣམས་ནི་འགྲན་ཟླ་དང་བྲལ་བའི་མཁས་གྲུབ་ཡིན་ཅིང་གཞན་ཡང་མཁན་ཆེན་བཀྲ་ཤིས་ལྷུན་གྲུབ། རྡོ་རྗེ་འཆང་དཔལ་ལྡན་ཆོས་སྐྱོང་། རིན་ཆེན་མི་འགྱུར་རྒྱལ་མཚན་སོགས་མཁྱེན་རབ་དང་ཕྲིན་ལས་རྒྱ་ཆེ་བའང་མང་དུ་བྱོན། རྫོང་པའི་བཀའ་སྲོལ་ལ། མུས་སྲད་པ་རྡོ་རྗེ་རྒྱལ་མཚན་དང་། ཀུན་མཁྱེན་རྡོ་རྗེ་གདན་པ་ཀུན་དགའ་རྣམ་རྒྱལ་སོགས་བརྒྱུད་འཛིན་དང་བཅས་པས་བཤད་སྒྲུབ་མཛད། སྙན་བརྒྱུད་རྒྱ་མཚོའི་མངའ་བདག་ཚར་པ་ཆོས་རྗེའི་རིང་ལུགས་ནི། འཇམ་དབྱངས་མཁྱེན་བརྩེའི་དབང་ཕྱུག་མཁན་ཆེན་བསླབ་གསུམ་རྒྱལ་མཚན་སོགས་ནས། གནས་གསར་བ་ངག་དབང་ཀུན་དགའ་ལེགས་པའི་འབྱུང་གནས་སྐུ་གོང་འོག་གི་བར་དུ་བྱོན་པའི་སློབ་བཤད་རྩ་བའི་བརྒྱུད་པ་དང་། གཞན་ཡང་མང་ཐོས་ཀླུ་སྒྲུབ་རྒྱ་མཚོ། བོད་མཁར་བ་མེ་ཏྲི་དོན་གྲུབ་རྒྱལ་མཚན། དགོན་གསར་བ་བསོད་ནམས་ཆོས་འཕེལ། མཁན་ཆེན་ངག་དབང་ཆོས་གྲགས། རྒྱལ་དབང་ལྔ་པ་རིན་པོ་ཆེ་ངག་དབང་བློ་བཟང་རྒྱ་མཚོ། གྲུབ་ཆེན་སངས་རྒྱས་རྒྱ་མཚོ་སོགས་ཀྱིས་སྤེལ། ཆོས་རྗེ་ཚར་པའི་བརྒྱུད་པ་ལས་བྱུང་བའི་ནཱ་རོ་མཁའ་སྤྱོད་མའི་སྐོར་སོགས་སྙན་བརྒྱུད་