[A:1024]ནས་ཆོ་ལུ་ཆོ་ལུར་བཤད་པ་ལ་མིང་ཐ་དད་དུ་ཐོགས་པ་ཡིན་གསུང༌། སོག་པོ་མདོ་སྡེ་བཙན་ཐང་ན་བཞུགས་པའི་སར་རྟེན་ལོ་བཅུ་དགུ་པ་ཅིག་གིས་མཇལ་ནས་གདམས་པ་རྣམས་ཚང་བར་གསན། དེ་ལ་རོག་ཤེས་རབ་འོད་ཀྱིས་གསན་ནོ།
ཡང་རྨའི་སློབ་མ་ཞང་དགའ་ལྡན་པ་ནི། ཡར་སྟོད་གཙང་ཞལ་དུ་འཁྲུངས་པའི་མཆིམས་ཞང་ཡིན། དམ་པ་སྐོར་ནི་རུ་བ་ལ་ཕྱག་རྒྱ་ཆེན་པོ་ཞུས། དབང་བཞི་རྫོགས་པར་ཞུས་ནས་རྒྱ་ས་སྨན་སྟག་རྩེ་སར་རྨའི་ཕྱིར་བྱོན། བྱར་གྱི་སྔོན་ཆུང་གནས་ཀྱི་ཤུག་པ་གསེབ་ཏུ་ཁྲིད་མཛད་པས་ཐུགས་ཐག་དེར་ཆོད། དེ་ལ་སློབ་མ་གཉལ་སྟོན་དགའ་ཆུང་འབར། སྐྱོག་སྒོམ་བསམ་གཏན་ཁུ་སྒོམ་ཇོ་དགའ། རྒྱ་དར་སེང༌། འཆུས་པ་དར་བརྩོན་རྣམས་སོ། །
རྒྱ་དར་སེང་ནི། གྲ་ཕྱི་ཕུར་རྒྱ་ལོང་ཆོས་འབར་གྱི་བུར་སྐྱེས། ལོ་སུམ་ཅུ་ལ་ཞབས་ལ་མདའ་ཕོག་པས་ཆུ་ཚན་ཁར་བྱོན་པས་རས་པ་ཁ་ཀྱོག་རྡོ་རྗེ་སེང་གེ་དང་མཇལ་ནས་ཕྱག་རྒྱ་ཆེན་པོ་ཞུས། ཞང་སྨན་མོ་ན་བཞུགས་པ་ལ་གདམས་པ་ཞུས་པས་རྟོགས་ལྡན་ནམ་མཁའི་རྣལ་འབྱོར་པར་གྱུར་ཏོ། །དེའི་བུ་ཆེན་སྟོད་དུ་ཇོ་སྲས་སྤུན་གཉིས་བྱ་བ་དོལ་པ་དབང་རྒྱལ་དང༌། ཤེས་རབ་མེ་ཆུང་བ། སྨད་དུ་གཉགས་ཚ་སྤུན་གཉིས་བྱ་བ་ཞང་སྟོན་ཇོ་སྤུ་དང༌། བླ་མ་སློབ་ཆུང་བ་གཉིས། བར་རྒྱའི་སྨྱོན་ཆུང་གིས་བརྒྱུད་པ་གཟུང་སྟེ། ཆུ་བོ་རིར་ཁྲ་སྣ་རྒྱ་སྨད་དུ་འཁྲུངས། མཚན་རྒྱ་ཆ་འབར། ལོ་ཉི་ཤུ་