[A:1026]སོ་ཆུང་བ་ཟེར། ནུ་བོ་གཟུགས་རིང་བས་སོ་རིངས་ཟེར། སོ་ཆུང་བ་དེ་ཆུ་བོ་སྟག་ལ་འཁྲུངས་ནས་ལོ་བཅུ་ཙམ་ལོན་པའི་དུས་སུ་ཡར་སྟོད་སྐྱེར་སྣར་སྤྲངས་པས་རྨ་སྒོམ་གྱིས་བྱིས་པ་རྒན་པ་དེ་ངའི་རྗེས་ལ་ཞོག ངས་ལྟོ་དང་གོས་སྟེར་གསུངས་པས་བཞག་སྟེ། གཟའ་མི་རྣམས་ཡར་ཀླུངས་ལ་སོང༌། དེར་རྨ་སྒོམ་གྱིས་སོ་ལ་བཙུན་པ་བཅོས། མིང་ཡང་དགེ་འདུན་འབར་དུ་བཏགས། དེར་ལོ་བཅུ་གཉིས་ལོན་ཙ་ན་རྨའི་ཐད་དུ་དམ་པ་བྱོན་པ་ལ་ཞལ་ཡུག་ཅིག་མཐོང༌། དམ་པ་བཞུད་ནས་ལོ་ཤས་སོང་བ་ན་རྨ་སྒོམ་ཁམས་ཅུང་ཟད་མ་བདེ་བས། དམ་པའི་རྗེས་ལ་སྙེག་སྙིང་འདོད་པར་བྱུང་ནས་སོ་ཆུང་བ་ཁྲིད་དེ་བྱོན་པས། ཁོང་གཉིས་པོ་རག་མ་མདའ་ན་ཡོད་པའི་ཚེ། །དམ་པ་འཕན་ཡུལ་བྱེ་ཁུད་ན་བཞུགས་པའི་ཚེ་སོ་ཆུང་བས་འཁྱམ་དུ་ཕྱིན་པས། དེར་དམ་པ་ཡང་བྱོན་བྱུང་སྟེ། ཞིང་ཤས་གསུམ་ཙམ་གྱིས་ནས་དམ་པ་ཨ་ལི་དགའ་ངའི་ཙི་ལུ་བྱུང་གསུང་ནས་བང་བཏང་བྱུང་སྟེ། སོ་ཆུང་བའི་ལག་པ་ལ་འཇུས་ནས་ཁྱོད་སྐྱེ་བ་གསུམ་དུ་ངའི་སློབ་མ་ཡིན། ད་ངའི་རྗེས་ལ་འདེང་གསུང་ནས་བྱེ་ཁུད་དུ་ཁྲིད། དེར་ངོ་སྤྲོད་ཅུང་ཟད་བཏབ་པ་ཙམ་གྱིས་ནམ་ནངས་པ་བཞིན་དུ་སོང་ནས། སོ་ཆུང་བ་ལ་དྲི་མ་མེད་པའི་ཤེས་པའི་སྟོབས་ཆེན་པོ་ཤར། དེར་སླར་ལོག་འོངས་ཏེ་རྨ་དང་དཔོན་སློབ་གཉིས་པོ་ཡོས་ཤིག་བཏགས་པའི་ཆེ་སོ་ཆུང་བ་རང་ཡུལ་འཇུ་བ་བཞག་ནས་ཧད་དེ་ཡུན་རིང་དུ་བསྡད་འདུག དེར་རྨ་སོ་ཁྱོད་ལ་ཙ་ཅིག་ཅིག་བྱུང་འདུག དམ་པས་གདམས་པ་གནང་བ་ཡིན་ནམ་ཟེར། དེར་རྨས་ཡིན་