[A:1174]གཤིན་རྗེ་གཤེད་ལ་སོགས་པའི་གྲུབ་པ་ཐོབ་པ་ཡང་མང་དུ་བྱུང་བར་གྲགས་མོད། དེང་སང་དེའི་ཆོས་ལ་བརྟེན་པའི་སློབ་དཔོན་གྱི་འགྲེལ་པ་མི་སྣང་ཡང༌། སྒྲུབ་པའི་ཐབས་ཀྱི་ཡི་གེའི་ཆ་ཤས་ནི་ད་དུང་གནས་སོ། སྤྱན་རས་གཟིགས་ཀྱི་སྒྲུབ་པའི་སྐོར་གཏེར་དུ་སྦས་པ་གྲུབ་ཐོབ་དངོས་གྲུབ་ཀྱིས་བཏོན་ནས། སྤ་རྣམས་དགོན་པར་རོག་ཤེས་རབ་འོད་ཀྱིས་ཞུས། དེས་རང་གི་སྲས་དང་སློབ་མ་རྣམས་ལ་རིམ་པར་བརྒྱུད་དོ། ཡང་གྲུབ་ཐོབ་དངོས་གྲུབ་ལ་སྤྲུལ་སྐུ་མྱང་སྟོན་གྱིས་ཞུས། དེས་བླ་མ་རས་པ་མི་བསྐྱོད་རྡོ་རྗེ། བླ་མ་ཤཱཀྱ་སེང་གེ་བཟང་པོ། ལྷ་རྗེ་དགེ་བ་འབུམ། ལྕམ་མོ་ཡེ་ཤེས་མཆོག བྱང་སེམས་ཆུ་སྒོམ། མཐའ་བཞི་བྱ་བྲལ། བསོད་ནམས་སེང་གེ བཀྲ་ཤིས་རྒྱལ་མཚན། བླ་མ་བློ་གྲོས་རྒྱལ་མཚན། དེ་གཉིས་ཀ་ལ་བླ་མ་བསོད་ནམས་བཟང་པོ། དེས་རྒོད་ཕྲུག་གྲགས་པ་འབྱུང་གནས་ལ་འོ། ཐུགས་རྗེ་ཆེན་པོ་རྒྱལ་བ་རྒྱ་མཚོ། སྣང་བ་མཐའ་ཡས། ཐུགས་རྗེ་ཆེན་པོ། པདྨ་འབྱུང་གནས། བྷངྒ་ལའི་ཕག་མོ། ཏི་པུ་པ། རས་ཆུང་པ། ཟངས་རི་རས་པ། སངས་རྒྱས་རས་ཆེན། སྤོམ་བྲག་པ། ཀརྨ་པ་ཤི། གྲུབ་ཆེན་ཨུ་རྒྱན་པ། རང་བྱུང་རྡོ་རྗེ། ཁམས་ཆེན་རྒན་ལྷས་པ། སྟག་སྟོན་གཞོན་ནུ་དར། བག་སྟོན་གཞོན་ཚུལ་བ། མཁན་ཆེན་ཤེས་རབ་རྡོ་རྗེ། ཆོས་སྒོ་བ་ཆོས་དཔལ་ཤེས་རབ། རྒོད་ཕྲུག་པ་གྲགས་པ་འབྱུང་གནས་ཏེ་གཞན་ཡང་བརྒྱུད་པ་མང་ངོ། ཡར་ཀླུངས་ལོ་ཙཱ་བ་གྲགས་པ་རྒྱལ་མཚན་ལས་བྱུང་བའི་རིགས་ཀྱི་འཇིག་རྟེན་