[A:1223]ལས་ཚོགས་རྣམས་སོ་སོར་སྦྲེལ་ནས་ཡོད་དོ། དེའི་བརྒྱུད་ལུགས་ནི། སྒྲོལ་མ། ཀུན་དགའ་བོ། དགྲ་བཅོམ་པ་ཉི་མ་གུང་པ། ཤྲ་ནའི་གོས་ཅན། ཀྲིཥྞའི་གོས་ཅན། ཁ་ཆེ་ཉི་མ་སྦས་པ། རཱ་ཧུ་ལ་ཤྲཱི། བི་ན་དཱ་ཤྲཱི། པཎ་ཆེན་ཤཱཀྱ་ཤྲཱི། དེས་ཁྲོ་ཕུ་ལོ་ཙཱ་བ། བླ་ཆེན་བསོད་དབང༌། རིན་པོ་ཆེ་བ། ཚད་མའི་སྐྱེས་བུ། དེས་བུ་རིན་པོ་ཆེ་ལ་གནང་ངོ༌། མལ་གྱོས་ནི་ས་ཆེན་ལ། དེས་རྩེ་མོ། དེས་རྗེ་བཙུན་ལ་གནང་སྟེ། དེས་ཆོས་སྐོར་འདིའི་ཡིག་ཆ་མང་དུ་མཛད་དོ། དེས་མཆིམས་ཆོས་སེང༌། ཆོས་རྗེ་འཇམ་གསར། རོང་བ་རྒྭ་ལོ། ཤེས་རབ་སེང་གེ དཔལ་ལྡན་སེང་གེ བླ་མ་དམ་པ་བསོད་ནམས་རྒྱལ་མཚན། མཁན་ཆེན་ཤེས་རྡོར་བ། ཆོས་སྒོ་བ་ཆོས་ཀྱི་རྒྱ་མཚོ། རྒོད་ཕྲུག་གྲགས་པ་འབྱུང་གནས། དེ་ལ་བདག་གིས་ཐོབ་སྟེ། སྤྱིར་སྒྲོལ་མ་ཅུང་ཟད་བརྒྱུད་ཚུལ་མི་འདྲ་བས་བོད་ཡུལ་གང་ངོ༌། ཐོར་བུ་བའི་སྐབས་སོ།
རྟེའུ་ར་བའི་སྐབས།
བོད་འདིར་མདོ་སྡེ་རྣམས་ཀྱི་ལུང་གི་རྒྱུན་ལ་ཤིན་ཏུ་ཕན་ཆེ་བ་སྟེངས་པ་ལོ་ཙཱ་བ་ཚུལ་ཁྲིམས་འབྱུང་གནས་ནི། ཡབ་སྟེང་པ་ཏོག་འབར་དང༌། ཡུམ་མདའ་མོ་བུ་སྐྱིད་གཉིས་ཀྱི་སྲས་སུ་མེ་མོ་ཕག་གི་ལོ་ལ་འཁྲུངས། ལོ་དྲུག་ལོན་པ་ན་གྱང་ཕུག་གཅིག་ན་ཕར་བལྟས་པས་མཆོད་རྟེན་དང་བཅས་