[A:1224]པའི་ཡུལ་ཁམས་མང་པོ་མཐོང༌། ཕྱིས་རྒྱ་གར་དུ་བྱོན་ཙ་ན་དེ་ག་བཞིན་དུ་འདུག ལོ་བཅུ་ལོན་པའི་ཚེ། མི་གཡོ་བ་ལ་བསྙེན་པ་དུམ་རེ་བྱས་པས་གཞན་གྱི་ནད་རིགས་གང་ལ་ཡང་སྔགས་བཏབ་པས་ཕན་པར་བྱུང༌། བྱིས་པའི་དུས་ནས་དཀོན་མཆོག་ལ་བློ་ཁེལ། མ་ཡར་སྡང་བས་ལོ་བཅུ་གསུམ་ལོན་པའི་ཚེ་དྭགས་པོར་བྱོན་ཀློག་འདོན་བྱས་པའི་རྙེད་པ་ཕའི་ཁྱིམ་དུ་བསྐྱལ་བས་ཕ་ཡང་འབར། སྐྱོ་བ་སྐྱེས་ནས་ཡང་དྭགས་པོར་བྱོན། སྐན་མོ་གནས་བརྟན་ལ་སྐྲ་བཅད། སེར་གཟུགས་བྱས་པའི་རྨི་ལྟས་བཟང་པོ་བྱུང༌། བཅོ་ལྔ་ལ་མྱང་སྟོད་དུ་རྒྱ་འདུལ་ལ་རབ་ཏུ་བྱུང༌། མཆིམས་ཐམས་ཅད་མཁྱེན་པ་ལ་སྤྱོད་ཕྱོགས་བསླབས། བཅུ་དགུ་ལ་རྒྱས་མཁན་པོ། གཉལ་བ་དགེ་འདུན་སྐྱབས་ཀྱིས་སློབ་དཔོན། སྐྱི་བོ་ཚུལ་འཕགས་ཀྱིས་གསང་སྟོན་མཛད་དེ་བསྙེན་པར་རྫོགས། རྒྱ་གར་དུ་འབྱོན་བཞེད་པ་ལ་གསེར་མེད་པས་འབུམ་པོ་ཏི་གཉིས་བྲིས། གསེར་ཞོ་བཅུ་གཉིས་བྱུང་བ་བསྣམས་ནས་བྱོན། དིང་རིར་སླེབ་པ་ན་སྤྱན་རས་གཟིགས་ཀྱི་མི་རྒན་གཅིག་ཏུ་སྤྲུལ་ནས་ལམ་གྱི་རྒྱུས་བཤད། དེ་ནས་བལ་པོར་བྱོན་འཕགས་པ་འཇའ་མི་ལ་སོགས་ལ་ལམ་གྱི་འཇིགས་པ་མེད་པའི་གསོལ་བ་བཏབ། སྲོག་ལ་ཕངས་པ་མེད་པར་བྱོན་པས་མ་གངྙར་ཙ་མི་སངས་རྒྱས་གྲགས་དང་མཇལ། ཁོང་གི་དྲུང་དུ་ལོ་བཅུ་བཞུགས། ཚད་ནད་ཀྱི་བསྙུང་བ་ལ་སྒྲོལ་མས་ཁྲུས་ཆབ་གསོལ་བས་དྭངས། དེ་དུས་གཅུང་ཆོས་འབར་ཞིང་བཙོང་ནས་གསེར་མང་པོ་ཁྱེར་ཏེ་དྭགས་པོ་ནས་གར་སོང་འདྲི་ཞིང་འོངས་ནས་རྡོ་རྗེ་