[A:188]ཚེ། རྡོར་ཐོས་ཕུའི་སྣང་གསལ་བྲག་ལ་ཆོས་སྐྱོང་བསྒྲུབ་པའི་ཚེ་མགོན་པོའི་ཞལ་གཟིགས། སྟོད་ལུངས་ཀྱི་སྟོང་ཁུན་བདེ་ལྡན་ཡར་བསོད་སྙོམས་ལ་བྱོན་པའི་ཚེ། ཉི་ཤུ་དགུའི་མཆོད་པའི་ནུབ་རྨི་ལམ་དུ་ཞིག་པོ་བྱོན་ནས་གདམས་ངག་གསུངས་པས། སྡུག་བསྔལ་རང་སངས་ལ་སོང་ནས། དེ་ནས་བཟུང་སྡུག་བསྔལ་རང་རྒྱུད་ལ་སྐད་ཅིག་ཀྱང་སྐྱེ་མ་མྱོང༌། ད་ལྟ་གདན་སའི་བྱ་བ་དང་ཞིག་པོའི་ཕྲིན་ལས་བསྒྲུབ་པའི་ཕྱིར། རྒྱལ་ཁམས་ཀུན་ཏུ་བྱོན་ཞིང་འགྲོ་དོན་རྒྱ་ཆེར་མཛད། ལྷ་སའི་ཇོ་ཤཱཀ་རྣམ་གཉིས་ཀྱི་ཞབས་ཏོག་ཀྱང་སྔ་ཕྱི་བསྡོམས་པས་ལོ་དྲུག་མཛད་དེ། དགུང་ལོ་དྲུག་ཅུ་རྩ་བརྒྱད་པ་ལྕགས་ཕོ་སྟག་གི་སྟོན་ཟླ་ར་བའི་ཚེས་བཅུ་དགུ་ལ་གཤེགས་ཏེ། སྐུ་གདུང་རིང་བསྲེལ་ཡང་མང་དུ་བྱོན་ནོ། ལྕགས་སྟག་འདི་ལ་གྲུབ་ཆེན་ཨུ་རྒྱན་པ་འཁྲུངས་ཏེ། དེ་ནི་དཔལ་ཕག་མོ་གྲུ་པ་ཞི་བར་གཤེགས་པའི་ལོ་ནས་བརྩམས་ཏེ། དྲུག་ཅུ་རྩ་གཅིག་པའོ། སངས་རྒྱས་དབོན་སྟོན་གྱི་སློབ་མ་རྟ་སྟོན་གཟི་བརྗིད་ཅེས་བྱ་བ་ཤིན་ཏུ་མཁས་པ་ཞིག་བྱུང་སྟེ། གསང་བའི་སྙིང་པོའི་ཊི་ཀ་རྒྱས་པ་ཞིག་མཛད། དེས་བརྒྱུད་པ་འདིའི་ལོ་རྒྱུས་ཀྱི་ཡི་གེ་མཛད་ཚུལ་སྣང་བཞིན་དུ་བྲིས་ཏེ། འདི་ཡན་ཆད་དུ་སྒྱུ་འཕྲུལ་དང་སེམས་ཕྱོགས་མཐའ་དག་ལ་མཁས་པར་གྲགས་ཏེ། དེ་གཉིས་ཀའི་བརྒྱུད་པ་ཡིན།
sgro sbug pa
g.yung ston pa (Chengdu 188, R 149)
གཡུང་སྟོན་པའི་ཁོག་དབུབ་ཏུ། སྒྲོ་སྦུག་པའི་སློབ་མ་རྣམས་འདིར་སྔར་བགྲངས་པ་རྣམས་དང་ཅུང་ཟད་མི་གཅིག་པར་སྣང་ངོ༌། སྒྲོ་སྦུག་པའི་སློབ་མ་གཙང་པ་བྱི་སྟོན་དང༌། སྒོང་དྲིངས་པ་ཉེ་སྟོན་ཆོས་ཀྱི་སེང་