[A:355]གེའི་ཉལ་སྟངས་ལྟར་བྱ་གསུང་ནས། སྤྱི་བོ་ན་ཡང་རླངས་པ་ཆེན་པོ་ཞིག་ཕྱུར་གྱིས་བྱུང་ནས། དབུ་ཟིལ་བ་ཕྲོམ་མེ་བ་ལ་མྱ་ངན་ལས་འདས། དེ་ནས་སྤུར་གནས་བརྟན་རྣམས་ཀྱིས་བདག་བྱས་ནས་གྲྭ་པ་ཉིས་སྟོང་ལ་དབང་མ་བྱུང་བ་ལ། རོམ་པོ་བའི་གསུང་གིས། བྱང་ཆུབ་སེམས་དཔའ་ཆེན་པོ་དེའི་སྤུར་རུལ་དུ་བཅུག་ན་དྲི་ངན་པར་ཚོར་བ་ཐམས་ཅད་དམྱལ་བར་འགྲོ་བས་སྤུར་སྦྱོངས་གསུང་བ་ལ་བརྟེན་ནས། དབུ་རྩེའི་ཡང་ཐོག་ཏུ་སྤུར་སྦྱངས་པས་ལྷ་སྐུ་དང་སོ་སོའི་ཕྱག་ཏུ་རིང་བསྲེལ་མང་པོ་བྱོན་ཞིང༌། དུ་བས་གར་ཁྱབ་ཏུ་ཡང་རིང་བསྲེལ་བྱོན།
གྲྭ་པ་ཉིས་སྟོང་རེ་བྱུང་བའི་ནང་ནས་ཏིང་ངེ་འཛིན་སྐྱེས་པ་ལྔ་བརྒྱ། དགེ་བཤེས་ཇག་རྩེ་འཆའ་བ་བརྒྱ་དང་བཅུ། དེ་དག་གི་ནང་ནས་ཕྱིའི་ཆེན་པོ་དགུ། བར་གྱི་ཆེན་པོ་བརྒྱད། ནང་ཐུགས་ཀྱི་སྲས་གསུམ་ལས། ཕྱིའི་ཆེན་པོ་དགུ་ནི། ཁམས་ནས་རབ་ཁ་བ་ཆེན་པོ། དྭགས་པོ་ནས་ཤ་བ་གླིང་པ་ཆེན་པོ། འོ་ཐང་པ་ཆེན་པོ། རྒྱ་རི་བ་ཆེན་པོ། གཙང་ནས་འོམ་ཐང་པ་ཆེན་པོ། མུ་སྨན་ཕྱར་ཆེན་པོ། ཉག་མོ་བ་ཆེན་པོ། ཏ་ཆེན་པོ། རྣམ་འཕར་བ་ཆེན་པོ། ངང་ཚང་བ་ཆེན་པོ་ཡང་ཟེར། བར་གྱི་ཆེན་པོ་བརྒྱད་ནི། དགོན་ཆེན་པོ། ཆག་མལ་བ་ཆེན་པོ། བཀྲ་ཤིས་སྒང་བ་ཆེན་པོ། དགྱེར་སྒོམ་ཆེན་པོ། ཁྲོམ་བཞེར་ཆེན་པོ། བུལ་བ་བ་ཆེན་པོ། བང་ར་བ་ཆེན་པོ། ཀུ་ཇོལ་བ་ཆེན་པོའོ། །དུམ་བུ་རི་བ་ཆེན་པོ་ཡང་ཟེར། ནང་ཐུགས་ཀྱི་སྲས་གསུམ་ནི། གཙང་བ་རིན་